চিৰাং,18 ডিচেম্বৰঃ বুধবাৰে চিৰাং জিলা সত্ৰ ন্যায়াধীশ আদালতে প্ৰদান কৰে এক গুৰুত্বপূৰ্ণ ৰায়দান। সত্ৰ ন্যায়াধীশ দিব্যজ্যোতি মহন্তৰ আদালতে জিলাখনৰ ঢালিগাঁও থানাত ৰুজু হোৱা গোচৰ নং 83/ 2000 মতে বিশ বছৰ পুৰণি এটা হত্যাৰ গোচৰত হত্যাকাণ্ডৰ সৈতে জড়িত ২০ জনকৈ অপৰাধীক যাৱজ্জীৱন কাৰাদণ্ডৰে দণ্ডিত কৰে। এইখিনিতে উল্লেখ্য যে,যোৱা ২০০০ চনত তেতিয়াৰ বঙাইগাঁও জিলাৰ ঢালিগাঁও থানাৰ অন্তৰ্গত বৈখুনগাঁৱত হোৱা এটা পৰিয়ালকেন্দ্ৰিক সংঘাতৰ ফলত হত্যাৰ বলি হৈছিল কেবাজনো লোক ৷
২. নায়েব আলী (৪৯)
৩.আব্দুল গফুৰ (৫৬)
৪. মজিবুৰ ৰহমান (৫৪)
৫. আয়েত মণ্ডল (৪৬)
৬. আহাত আলী (৪৪)
৭. ৰহম আলী (৪৫)
৮. ছামাদ আলী (৩৮)
৯. চামচুল আলী (৩২)
১০. ইমান আলী মণ্ডল (৬১)
১১. আনোৱাৰ আলী শিকদাৰ (৪৫)
১২. আমজাদ আলী মণ্ডল (৭০)
১৩. আনোৱাৰ আলী মণ্ডল (৩৫)
১৪. আব্দুল ৰহিম মণ্ডল (৪১)
১৫. ৱাজেদ আলী মণ্ডল (৫৭)
১৬. নবাব আলী মণ্ডল (৫৬)
১৭. তাহেৰ আলী মণ্ডল (৩৫)
১৮. ছাদেক আলী মণ্ডল (৪৭)
১৯. ৰিয়াজুদ্দিন আলী আহমেদ (৪৯)
২০. ৰহমত আলী (৪৮)
উল্লেখ্য যে বুধবাৰে চিৰাং জিলা সত্ৰ ন্যায়াধীশৰ আদালতে দিয়া এই ৰায়দানত সেই সময়ৰ হত্যাকাণ্ডত জড়িত দুজনকৈ নাবালককো সমান শাস্তি প্ৰদান কৰিছে । যোৱা ২০০০ চনত সংঘটিত এই হত্যাকাণ্ডৰ সময়ত চামচুল আলী নামৰ অপৰাধীজনৰ বয়স ১২ বছৰ আছিল যাৰ বয়স বৰ্তমান ৩২ বছৰ আৰু তাহেৰ আলী মণ্ডলৰ বয়স আছিল তেতিয়া ১৫ বছৰ ৷ কিন্তু তাহেৰ আলি মণ্ডলৰ বৰ্তমান বয়স ৩৫ বছৰ ৷
ইফালে আনোৱাৰ আলী মণ্ডলৰ বয়স তেতিয়া ১৫ বছৰ আছিল যদিও বৰ্তমান বয়স ৩৫ বছৰ। এই সকলৰ ক্ষেত্ৰত আদালতত নাবালক বুলি প্ৰমাণিত কৰিব নোৱাৰাৰ বাবে সমান শাস্তি প্ৰদানৰ কথা জনায় চৰকাৰী পক্ষৰ অধিবক্তা ডেনিয়েল দাসে। আদালতৰ ৰায়দানৰ পিচতে বিয়লি আটাইকেইজনক কটকটীয়া নিৰাপত্তাৰ মাজত কাৰাগাৰলৈ প্ৰেৰণ কৰে।
