ছিডনী : ভাৰতীয় ক্ৰিকেটৰ ইতিহাসত প্ৰথমবাৰৰ বাবে এগৰাকী অধিনায়কে শৃংখলাৰ মাজতে প্লেয়িং-১১ৰ পৰা নিজকে বাদ দিছে । ছিডনী ক্ৰিকেট গ্ৰাউণ্ডত ভাৰত আৰু অষ্ট্ৰেলিয়াৰ মাজত অনুষ্ঠিত হোৱা বৰ্ডাৰ-গাভাস্কাৰ ট্ৰফীৰ পঞ্চম টেষ্টত ৰোহিত শৰ্মা ভাৰতীয় দলৰ প্লেয়িং-১১ৰ অংশ হোৱা নাই । যিটো আন্তৰ্জাতিক ক্ৰিকেটতো অতি বিৰল ।
- ৰোহিত শৰ্মা হৈছে প্লেয়িং-১১ৰ পৰা বাদ পৰা প্ৰথম অধিনায়ক
বৰ্ডাৰ গাভাস্কাৰ ট্ৰফীত ৰোহিত শৰ্মাৰ বেটিং ফৰ্ম অতি দুৰ্বল দেখা গৈছে । যাৰ বাবে তেওঁ সমালোচনাৰ সন্মুখীন হৈছে । তাৰ মাজতে পঞ্চম টেষ্টত তেওঁ প্লেয়িং ১১ৰ পৰা নিজকে বাদ দিছে । তেওঁৰ অনুপস্থিতিত ফাষ্ট বলাৰ যশপ্ৰীত বুমৰাহে ভাৰতীয় দলক নেতৃত্ব দিছে । আন্তৰ্জাতিক ক্ৰিকেট ইতিহাসত মাত্ৰ ৪ বাৰহে এনে হৈছে য'ত এজন অধিনায়কে শৃংখলাৰ মাজতে প্লেয়িং-১১ৰ পৰা নিজকে বাদ দিছে ।
Jatin Sapru and Irfan Pathan back #RohitSharma’s decision to rest, with #ShubmanGill playing the Sydney Test of #BorderGavaskarTrophy 🤔#AUSvINDOnStar 👉 5th Test, Day 1 | LIVE NOW pic.twitter.com/ztqnbZ0pQs
— Star Sports (@StarSportsIndia) January 3, 2025
- আন্তৰ্জাতিক ক্ৰিকেটৰ উদাহৰণ
মাইক ডেনেছ (ইংলেণ্ড) : মাইক ডেনেছে ১৯৭৪ চনৰ এছেজৰ চতুৰ্থ টেষ্টত নিজে বিশ্ৰাম লৈছিল । তেওঁৰ স্থানত জন এড্ৰিচ শৃংখলাটোত দলটোৰ অধিনায়ক আছিল ।
মিছবাহ-উল-হক (পাকিস্তান) : ২০১৪ চনত পাকিস্তানৰ প্ৰাক্তন অধিনায়ক মিছবাহ-উল-হকে অষ্ট্ৰেলিয়াৰ বিৰুদ্ধে শৃংখলাৰ তৃতীয় এদিনীয়া খেলত নিজকে প্লেয়ি ১১ৰ পৰা বাদ দিয়ে । তেওঁৰ স্থানত শ্বাহিদ আফ্ৰিদী দলটোৰ অধিনায়ক আছিল ।
দীনেশ চান্দিমল (শ্ৰীলংকা) : ২০১৪ চনৰ টি-২০ বিশ্বকাপত দীনেশ চান্দিমলে ছেমি ফাইনেল আৰু ফাইনেলকে ধৰি প্ৰতিযোগিতাখনৰ অন্তিম ৩ খন খেলত বিশ্ৰাম লৈছিল । শ্ৰীলংকাৰ তাৰকা লাচিথ মালিংগাই এই তিনিখন খেলৰ সময়ত অধিনায়কত্ব কৰিছিল ।
A stunning selection call with the #AUSvIND series and a #WTC25 Final spot on the line 🏏
— ICC (@ICC) January 3, 2025
More from Sydney 👉 https://t.co/zQixhjIHG3 pic.twitter.com/7GzXqaSA0K
ৰোহিত শৰ্মা (ভাৰত) : ভাৰতীয় অধিনায়ক ৰোহিত শৰ্মা ক্ৰিকেট ইতিহাসৰ চতুৰ্থ জন অধিনায়ক যিয়ে শৃংখলাৰ মাজভাগতে বিশ্ৰাম লৈছে । ফাষ্ট বলাৰ যশপ্ৰীত বুমৰাহে ২০২৪-২৫ বৰ্ষৰ বৰ্ডাৰ-গাভাস্কাৰ শৃংখলাৰ পঞ্চম টেষ্টত ভাৰতক নেতৃত্ব দিছে ।
🚨 Here's #TeamIndia's Playing XI 🔽
— BCCI (@BCCI) January 2, 2025
UPDATES ▶️ https://t.co/cDVkwfEkKm#AUSvIND pic.twitter.com/BO2pofWZzx
উল্লেখ্য যে, ভাৰতৰ টেষ্ট অধিনায়ক ৰোহিত শৰ্মাই বৰ্ডাৰ-গাভাস্কাৰ ট্ৰফীত দুৰ্বল ফৰ্মৰ সৈতে যুঁজি আছে আৰু তেওঁ খেলা ৫ টা ইনিংছৰ যিকোনো এটাতে ১০ ৰাণতকৈ অধিক ৰাণ সংগ্ৰহ কৰিবলৈ সক্ষম হোৱা নাই । ছিডনী টেষ্টৰ পূৰ্বে বৃহস্পতিবাৰে দলটোৰ অনুশীলন অধিৱেশনৰ সময়ত, ৰোহিত স্লিপ কৰ্ডনত উপস্থিত নাছিল য'ত খেলুৱৈসকলে কেচৰ অনুশীলন কৰি আছিল ।
লগতে যেতিয়া বিৰাট কোহলী, যশস্বী জয়ছোৱাল, নীতিশ কুমাৰ ৰেড্ডী আৰু কে এল ৰাহুলক অনুশীলনত দেখা গৈছিল, ৰোহিতক ড্ৰেছিং ৰুমত অকলে বহি থকা দেখা গৈছিল । ইয়াৰ মাজতে ৰোহিতৰ অৱসৰক লৈ জল্পনা-কল্পনা চলি আছিল, কিয়নো তেওঁ শৃংখলাটোত ৰাণ সংগ্ৰহ কৰিবলৈ সংগ্ৰাম কৰিছে ।
শৃংখলাটোৰ আৰম্ভণিতে ৬ নম্বৰত বেটিং কৰাৰ পিছত ৰোহিতে অন্তিমখন মেচত ইনিংছ আৰম্ভ কৰিছিল আনহাতে কে এল ৰাহুলে ৱান-ডাউনত বেটিং কৰিবলৈ বাধ্য হৈছিল আৰু শুভমন গিল বেঞ্চত বহিছিল ।
