চিৰাং, 20 ডিচেম্বৰঃ নাগৰিকত্ব সংশোধনী আইনক লৈ ৰাজ্য উত্তাল হৈ থকাৰ বিপৰীতে চিৰাঙৰ আই নদীৰ পাৰত চলিছে দৈজিং উৎসৱৰ যুদ্ধংদেহি প্ৰস্তুতি ৷ চিৰাঙত এক উখল মাখল পৰিৱেশে বিৰাজ কৰিছে আই নদীৰ পাৰত ৷ বাৰ দিনীয়াকৈ অনুষ্ঠিত হ'ব লগীয়া এই দৈজিং উৎসৱৰ বাবে ব্যাপক প্ৰস্তুতি চলিছে দিনে নিশাই ৷ ডিচেম্বৰৰ 27ৰ পৰা 7 জানুৱাৰীলৈ চিৰাঙত অসম পৰ্যটন বিভাগৰ সহযোগত আৰু বিটিচিৰ পৰ্যটন বিভাগৰ উদ্যোত অনুষ্ঠিত হ'ব দৈজিং উৎসৱ । চিৰাং জিলা প্ৰশাসন আৰু বি টি চিৰ পৰ্যটন বিভাগৰ উদ্যোগত পূৰ্ণগতিত চলিছে দৈজিং উৎসৱৰ কাম ৷ মাজত মাথো ৬ দিন বাকী থকা অৱস্থাত এই পৰ্যন্ত 80 শতাংশ কামেই সম্পূৰ্ণ হৈ উঠিছে ৷
ডিচেম্বৰৰ 27ৰ পৰা 7 জানুৱাৰীলৈ চিৰাঙত দৈজিং উৎসৱ চিৰাঙৰ হাগ্ৰামা দলঙৰ পাৰত,আই নদীৰ বালিচৰত বাৰ দিন কৈ চলিব লগা এই দৈজিং উৎসৱ স্থানীয় পৰ্যটনৰ লগতে উত্তৰ পূৰ্বাঞ্চলৰ বিভিন্ন কলা,কৃষ্টি আৰু জনগোষ্ঠীয় কল, সংস্কৃতি আদি ৰাইজৰ আগত দাঙি ধৰাৰ প্ৰয়াস কৰা হৈছে ৷ লগতে থাকিব ৰাজ্যৰ লগতে বাহিৰৰ পৰা অহা শিল্পীৰ সংগীতানুষ্ঠান ৷ উল্লেখ্য যে এই উৎসৱত থাকিব বিভিন্ন জাতি জনগোষ্ঠীৰ সাজ পোছাক পৰিধান কৰি ফটো উঠিব পৰা এক বিশেষ অনুষ্ঠান আৰু চেল্ফি জ'ন ৷
চিৰাঙত দৈজিং উৎসৱৰ যুদ্ধংদেহি প্ৰস্তুতি এইবাৰ দৈজিঙ উৎসৱৰ বিশেষ আকৰ্ষণ হেলিকপ্তাৰ ৰাইডিং,হাতী চাফাৰী,জীপ চাফাৰী,চাইক্লিং,ব'টিং আদিৰ লগতে শ্বুটিংৰ ব্যৱস্থা ৷ লগতে থাকিব হট এয়াৰ বেলুন ৰাইড,পেৰাগ্লাইডিং আদি৷ দৈজিঙত পয়োভৰ হব জনগোষ্ঠীয় খাদ্যমেলা ,বিভিন্ন খাদ্যসম্ভাৰ৷ ৰাষ্ট্ৰীয় আৰু আন্তৰাষ্ট্ৰীয় বাণিজ্য মেলা ৷ গ্ৰন্থ মেলাৰ লগতে বিভিন্ন চৰকাৰী বে চৰকাৰী বিভাগৰ প্ৰদৰ্শনী ৷
লগতে চাওকঃ বাক্সাত পোৱা যায় এবিধ বিশেষ শিল.
