চিৰাং, ২০ জানুৱাৰী: প্ৰতিকূল বতৰকো নেওচি চিৰাঙত ৰাজপথলৈ ওলাই আহিল আশা কৰ্মীসকল । মজুৰি বৃদ্ধি, পদ নিয়মীয়াকৰণকে ধৰি ৬টা সমস্যা সমাধানৰ দাবীত প্ৰতিবাদ সাব্যস্ত কৰে । লগতে ২০১৩ চনৰ পৰা ২০১৭ চনলৈকে বকেয়া ধন আশা কৰ্মীসকলক মোকলাই দিয়া নাই বুলিও অভিযোগ উত্থাপন কৰে । শীঘ্ৰে এই বকেয়া ধন আদায় দিবলৈও দাবী জনায় । আশা কৰ্মীসকলক অটল অমৃত আৰু আয়ুস্মান ভাৰতৰ চিকিৎসাজনিত কাৰ্ড প্ৰদান কৰাৰো দাবী জনায় আশা কৰ্মীসকলে ।
চৰকাৰে আশা কৰ্মীসকলৰে আলোচনাত মিলিত নোহোৱা পৰ্যন্ত তেওঁলোকে এনেদৰে প্ৰতিবাদী কাৰ্যসূচী ৰূপায়ণ কৰি যাব বুলি হুংকাৰ দিয়ে প্ৰতিবাদকাৰীয়ে । বুধবাৰে প্ৰতিবাদ সাব্যস্ত কৰাৰ পিছত আশা কৰ্মীসকলে জিলা উপায়ুক্তৰ জড়িয়তে মুখ্যমন্ত্ৰী আৰু স্বাস্থ্য মন্ত্ৰীলৈ স্মাৰক পত্ৰ প্ৰেৰণ কৰে ।
লগতে পঢ়ক:ৰাষ্ট্ৰীয় ঘাইপথ সম্প্ৰসাৰণে ভাবুকি মাতিছে টীয়কৰ আবাসিক অঞ্চললৈ
