চিৰাং, ১২ ফেব্ৰুৱাৰী:চিৰাং জিলাৰ সদৰ কাজলগাঁও আৰু বিজনী মহকুমাধিপতি কাৰ্যালয়ৰ সন্মুখত মঙলবাৰে পুৱা জনজাতি সংগঠন সমূহৰ সমন্বয়ৰক্ষী সমিতিয়ে (CCTOA) অনশন কাৰ্যসূচী ৰূপায়ন কৰে । ছয় জনগোষ্ঠীক জনজাতিৰ মৰ্যাদা দিবলৈ ওলোৱা কাৰ্যক বিৰোধিতা কৰি CCTOA'এ ৰূপায়ন কৰে এই অনশন কাৰ্যসূচী ।
১০ঘন্টীয়া আমৰণ অনশন
মঙলবাৰে জনজাতীয় সংগঠন সমূহৰ সমন্বয়ৰক্ষী সমিতিৰ প্ৰতিবাদকাৰী সকলে শান্তি শৃংখলা ৰক্ষা কৰি হাতে হাতে প্লেকাৰ্ড লৈ ছয় জনগোষ্ঠীৰ জনজাতিকৰণ বিল বাতিলৰ দাবীত অনশন কাৰ্যসূচীৰে প্ৰতিবাদ সাব্যস্ত কৰে । ইপিনে অনাগত দিনত ছয় জনগোষ্ঠীৰ জনজাতিকৰণ যদি কৰা হয় তেনেহলে জনজাতীয় সংগঠন সমূহৰ সমন্বয়ৰক্ষী সমিতিৰ তৰফৰ পৰা তীব্ৰ আন্দোলন গঢ়ি তুলিব বুলি সংগঠনটোৰ নেতাই প্ৰকাশ কৰে।
