চিৰাং, 24 ফেব্ৰুৱাৰী : চিৰাঙৰ বিজনী বিদ্যাপীঠ আৰু নৰ্থ ইষ্ট মিলিটাৰী স্কুল পথাৰত বিজেপিৰ যোগদান সভা । এফালে বিদ্যালয় দুখনত পাঠদান চলিছে, আনফালে বিদ্যালয়ৰ পথাৰতে উচ্চ স্বৰত বিজেপিৰ সভা চলাক লৈ সৃষ্টি হৈছে বিতৰ্কৰ ৷ বিজেপি দল শাসকীয় হোৱাৰ বাবেই বিদ্যালয়ৰ পাঠদানৰ পৰিৱেশ বিনষ্ট কৰিও সভা অনুষ্ঠিত কৰিব পাৰিছে বুলি অভিযোগ উত্থাপন বিভিন্নজনৰ ৷
পাঠদানৰ সময়তে বিদ্যালয়ৰ পথাৰত বিজেপিৰ সভাক লৈ প্ৰতিক্ৰিয়া
বিদ্যালয়ৰ পাঠদানৰ সময়ত কিদৰে বিজেপি দলে সভা অনুষ্ঠিত কৰিবলৈ অনুমতি লাভ কৰিলে সেই লৈ সৃষ্টি হৈছে বিতৰ্কৰ । একাংশই দাবী কৰিছে এয়া বিজেপিৰ চূড়ান্ত একনায়কত্ববাদ । মহাপ্ৰতাপী শিক্ষা মন্ত্ৰী হিমন্ত বিশ্ব শৰ্মাৰ আশীৰ্বাদতে বিদ্যালয়ত পাঠদান চলি থকা সময়ত পথাৰত বিজেপিয়ে সভা অনুষ্ঠিত কৰাৰ অভিযোগ তোলে বিভিন্নজনে ৷
লগতে পঢ়ক : কাছাৰত শিক্ষালাভৰ পৰা বঞ্চিত শিক্ষাৰ্থীৰ প্ৰতিবাদ
