চিৰাং, 8 নৱেম্বৰঃ অপহৃত যুৱ ব্যৱসায়ী আৰু বঙালী হিন্দুক ডিটেনচন শিবিৰৰ পৰা মুক্তিৰ দাবীত চিৰাঙত বঙালী যুৱ-ছাত্ৰ ফেডাৰেচনৰ প্ৰতিবাদ ৷ চিৰাং জিলাৰ সদৰ কাজলগাঁও যোগ কেন্দ্ৰৰ সন্মুখত আজি সদৌ বিটিচি বঙালী যুৱ-ছাত্ৰ ফেডাৰেচনৰ চিৰাং জিলা সমিতিৰ উদ্যোগত কেতবোৰ দাবীক লৈ দুঘন্টীয়া অৱস্থান ধৰ্মঘট কাৰ্যসূচী ৰূপায়ন কৰে ৷ ৰাষ্ট্ৰীয় নাগৰিক পঞ্জীত চক্ৰান্তমুলকভাৱে হিন্দু বঙালীৰ নাম হেয় কৰাৰ প্ৰতিবাদৰ লগতে ডিটেনচন শিবিৰত মৃত্যুবৰণ কৰা প্ৰতিজন লোকৰ ন্যায় আৰু ক্ষতিপূৰণ আৰু প্ৰতিজন বৈধ ভাৰতীয় নাগৰিকক ডিটেনচন শিবিৰৰ পৰা বিনাচৰ্তে মুক্তি দিয়াৰ প্ৰতিবাদত এই ধৰ্ণা কাৰ্যসূচী ৰূপায়ন কৰে ৷
আনহাতে বিটিচিৰ ছেৰফাংগুৰিৰ অপহৃত যুৱ ব্যৱসায়ী প্ৰদীপ শীলৰ মুক্তিৰ দাবীতো এই কাৰ্যসূচী গ্ৰহণ কৰা হয় ৷ শতাধিক লোকে এই প্ৰতিবাদী কাৰ্যসূচীত অংশগ্ৰহণ কৰি অসমৰ মুখ্যমন্ত্ৰীলৈ দাবী সম্বলিত স্মাৰক পত্ৰ প্ৰেৰণ কৰে ৷
আৰু পঢ়কঃ এটা পথ, ২৮ খন বাঁহৰ দলংঃ বিশ্ব অভিলেখৰ দিশে গড়কাপ্তানী বিভাগ
