বঙাইগাঁৱত ভূত বাংলোত পৰিণত এখন পশু চিকিৎসালয়

বঙাইগাঁও জিলাৰ অভয়াপুৰীৰ ঘিলাগুৰীৰ ভূত বাংলোত পৰিণত পশু চিকিৎসালয়। ৰাইজৰ দাবী কৃষিপ্ৰধান অঞ্চলটোত পশুচিকিৎসালয় লাগে।

চিৰাং, 22 জুনঃ হাবিৰ মাজত এটা ঘৰ ৷ উৱলি গৈছে বেৰ,উৱলি গৈছে টিনপাত ৷ এতিয়া সম্পূৰ্ণ পৰিত্যক্ত অৱস্থাত আছে ঘৰটো ৷ কোনো ভূতবাংলা নহয় ৷ এটা পশু চিকিৎসালয়ৰ দৃশ্যহে ৷ এইখন অসমৰে এখন পশু চিকিৎসালয় য’ত দুজন কৰ্মচাৰী এতিয়াও কৰ্মৰত ৷ বঙাইগাঁও জিলাৰ অভয়াপুৰীৰ ঘিলাগুৰি গাঁৱৰ ৰাইজে ৪ বিঘা মাটি এৰি দি আজিৰ পৰা ৮ বছৰ পূৰ্বে ঘিলাগুৰি ক্ষুদ্ৰ পশু চিকিৎসালয় স্থাপন কৰাত সহায় কৰিছিল ৷ কিন্তু পশু চিকিৎসালয়খনৰ প্ৰতি চৰকাৰে কোনো গুৰুত্ব নিদিয়াত এইদৰেই হাবিৰ মাজত পৰিত্যক্ত অৱস্থাত জহি খহি গৈছে পশু চিকিৎসালয়খন ৷ দুখন গাঁও পঞ্চায়তৰ প্ৰায় দহ বাৰখন গাঁওৰ ৰাইজে পশুধন ইয়াত চিকিৎসা কৰোৱাইছিল ৷

বঙাইগাঁও জিলাৰ অভয়াপুৰীৰ ঘিলাগুৰীৰ যিহেতু ৯৫ শতাংশ লোকেই কৃষিজীৱি সেয়ে পশু চিকিৎসালয়খনৰ এই অৱস্থাৰ বাবে সীমাহীন দুৰ্যোগত ভুগিব লগা হৈছে কৃষকসকল ৷ ৰাইজে অভিযোগ কৰে যি সময়ত বিজেপি চৰকাৰে কৃষি বিপ্লৱৰ সূচনা কৰিব বিচাৰি আছে তেনে সময়তে পশু চিকিৎসালয়খনৰ এই অৱস্থাই চৰকাৰৰ নগ্ন স্বৰূপটো উদঙাই দিছে ৷ অনতিপলমে চিকিৎসালয়খন মেৰামতি কৰিবৰ বাবে চৰকাৰৰ ওচৰত দাবী জনাইছে স্থানীয় ৰাইজে ৷

বঙাইগাঁৱত ভূত বাংলোত পৰিণত এখন পশু চিকিৎসালয়

লগতে পঢ়কঃ জম্মু কাশ্মীৰত অব্যাহত পাকিস্তানৰ যুদ্ধ বিৰতি উলংঘন