চিৰাং, 22 নৱেম্বৰঃ বৃহস্পতিবাৰে মাজনিশা চিৰাঙৰ বাসুগাঁৱৰ ৰাজাচাৰাঙত শোকাৱহ পথ দুৰ্ঘটনা । দুৰ্ঘটনাত থিতাতে নিহত এজন বাইক আৰোহী । নিহত বাইক আৰোহীজন তাকতাৰা গাঁৱৰ গেৰেমা বসুমতাৰী বুলি চিনাক্ত কৰা হৈছে ।
চিৰাঙৰ শোকাৱহ পথ দুৰ্ঘটনাত নিহত এজন যুৱক
বাইক আৰোহীজনে মদ্যপান কৰি তীব্ৰ বেগত নিয়ন্ত্ৰণ হেৰুৱাই পথৰ দাঁতিত থকা বিদ্যুতৰ খুঁটাত খুন্দা মাৰি দিয়াৰ ফলত দুৰ্ঘটনাটো সংঘটিত হোৱা বুলি প্ৰাথমিক তদন্তত সন্দেহ কৰিছে স্থানীয় ৰাইজ তথা আৰক্ষীয়ে । বাসুগাঁও আৰক্ষীয়ে মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে চিকিৎসালয়লৈ প্ৰেৰণ কৰে ।
