চিৰাং,7 ডিচেম্বৰ : চিৰাং জিলাৰ বিজনীত দেওবাৰে নিৰ্বাচনী প্ৰচাৰ সভাত উপস্থিত হোৱাৰ পাচতে মন্ত্ৰী ড৹ হিমন্ত বিশ্ব শৰ্মালৈ ক্ষোভ উজাৰে বিজনী আঞ্চলিক আছুৱে ৷ বিজেপিৰ পদযাত্ৰাত অংশগ্ৰহণ কৰাৰ সময়ত মন্ত্ৰীগৰাকীক ক’লা পতাকা প্ৰদৰ্শন কৰে আছুৱে ৷
কা আমি নামানো, হিমন্ত বিশ্ব মুৰ্দাবাদ, বিজেপি গ’ বেক ইত্যাদি শ্ল’গানেৰে বিজনী কঁপাই তোলে সংগঠনটোৱে । উল্লেখ্য যে, বিজনীৰ 19 নং থুৰীবাৰী পৰিষদীয় সমষ্টিৰ বৰ্তমানৰ বিজেপি প্ৰাৰ্থী অবিৰাম মহানায়কে 2016 চনত বিজনীত বাইক ৰেলীৰে অসমীয়া মূৰ্দাবাদ ধ্বনি দিয়াৰ অভিযোগ উত্থাপন কৰিছে আছুৱে । কোনো পধ্যেই অসমীয়া বিৰোধী প্ৰাৰ্থীক ভোট নিদিবলৈ বিজনী আছুৱে আহ্বান জনাইছে বিজনীবাসী ৰাইজক ৷
লগতে পঢ়ক : একেখন মঞ্চতে আজমল-ৰিপুন-ৰকিবুল; কি আহ্বান জনালে ৰাইজক ?
