9 বজাৰ শীৰ্ষ 10 টা বাতৰি

9 বজাৰ শীৰ্ষ 10 টা বাতৰি

অসম-অৰুণাচলৰ সীমা বিবাদ (Assam Arunachal Border Dispute) সন্দৰ্ভত বুধবাৰে কইনাধৰাৰ 1 নং অতিথিশালাত দুয়োখন ৰাজ্যৰ মুখ্যমন্ত্ৰী পৰ্যায়ৰ বৈঠকৰ সিদ্ধান্ত । অসম-মেঘালয় সীমা বিবাদ নিষ্পত্তিৰ ক্ষেত্ৰত গ্ৰহণ কৰা আৰ্হি প্ৰযোজ্য হ'ব অসম-অৰুণাচলৰ ক্ষেত্ৰত । অসম আৰু অৰুণাচল প্ৰদেশৰ 12 খনকৈ মুঠ 24 খন সমিতি গঠন কৰি দিব ৰাজ্য চৰকাৰ দুখনে । নেতৃত্বত থাকিব কেবিনেট মন্ত্ৰী ।

ৰাইজৰ দলৰ বাবে এক সু-খবৰ ৷ অৱশেষত ৰাজনৈতিক দল হিচাপে স্বীকৃতি পালে ৰাইজৰ দলে (Raijor dal recognized as a political party) ৷ সংবাদ মাধ্যমৰ আগত এই কথা সদৰী কৰে ৰাইজৰ দলৰ সভাপতি অখিল গগৈয়ে ৷

বুধবাৰে সন্ধিয়া মুখ্যমন্ত্ৰী ড৹ হিমন্তবিশ্ব শৰ্মাৰ অধ্যক্ষতাত অনুষ্ঠিত হয় ৰাজ্যিক কেবিনেট বৈঠক (Assam state cabinet)৷ ৰাজ্যৰ মুঠ ১,০৮৫ খন কাঠৰ দলং পকী কৰিবলৈ সিদ্ধান্ত গ্ৰহণ কৰিছে ৰাজ্যিক কেবিনেটে । ইয়াৰ বাবে কেবিনেটে ৪,৩৬০ কোটি টকা অনুমোদন জনায় ।

সকলোৰে আছে নিজা নিজা একোটা বিশেষ চখ ৷ নিজৰ চখ পূৰণৰ বাবে মানুহে যিকোনো মূল্য পৰিশোধ কৰিবলৈ সাজু ৷ এনে এক ঘটনা সংঘটিত হৈছে চণ্ডীগড়ত ৷

চলন্ত গাড়ীৰ পৰা মহাবিদ্যালয়ৰ ছাত্ৰীলৈ অশ্লীল মন্তব্য যুৱকৰ ৷ ছাত্ৰীলৈ লক্ষ্য কৰি 20 টকীয়া নোট উৰুৱাইছিল যুৱকৰ এটা দলে ৷ সমগ্ৰ ঘটনাৰ ভিডিঅ’ ম’বাইলত ৰেকৰ্ড এগৰাকী প্ৰত্যক্ষদৰ্শীৰ ৷ সম্প্ৰতি ৰঙাঘৰৰ আলহী যুৱককেইজন ৷

অসমৰ দায়িত্বত থকা তৃণমূল কংগ্ৰেছৰ দলীয় নেতা মলয় ঘটকৰ সৈতে কলকাতাত ৰুদ্ধদ্বাৰ বৈঠক ৰিপুন বৰাৰ ৷ মে'ৰ দ্বিতীয় সপ্তাহত ৰিপুন বৰাক অসমত তৃণমূল কংগ্ৰেছৰ সভাপতি হিচাপে আনুষ্ঠানিক ঘোষণাৰ কৰাৰ সম্ভাৱনা(Trinamool Congress in Assam ) ।

প্ৰদেশ কংগ্ৰেছৰ প্ৰাক্তন সভাপতি তথা প্ৰাক্তন সাংসদ ৰিপুন বৰাৰ দল ত্যাগৰ(Ripun Bora quits Congress) পাছতেই দুদিনত দুই বিপৰীত ভাষ্য প্ৰদান কৰিলে প্ৰাক্তন কংগ্ৰেছী মন্ত্ৰী ৰকিবুল হুছেইনে ৷ এদিন যদি ৰিপুন বৰা বহল অন্তৰৰ মানুহ বুলি কয়, আন এদিন উদঙায় ৰিপুন বৰাৰ মিথ্যাচাৰ । ৰকিবুল হুছেইনক মুখ্যমন্ত্ৰী হিমন্ত বিশ্ব শৰ্মাই ভালকৈ বুজি পায় বুলিও ক’লে ৰকিবুল হুছেইনে ৷

চীনৰ পিপলছ লিবাৰেচন আৰ্মীয়ে ২০১৫ চনৰ ১১ ছেপ্টেম্বৰত ভাৰত-চীন সীমান্তৰ অৰুণাচল প্ৰদেশৰ ছি-য়োমি জিলাৰ পৰা অপহৰণ কৰিছিল তাপৰ পুলমৰ(Tapor Pullom of Arunachal Pradesh) নামৰ এজন লোকক ৷ কিন্তু বিগত 6 বছৰে কোনো সন্ধান নাই লোকজনৰ । শেহতীয়াকৈ চীন চৰকাৰৰ লগত আলোচনা কৰি তাপৰ পুলমক পুনৰ ওভতাই অনাৰ বাবে ৰাষ্ট্ৰসংঘত আবেদন কৰিছে আৰ আৰ এ জিয়ে ।

বুধবাৰে অন্ত পৰিল গুৱাহাটী পৌৰ নিগমৰ নিৰ্বাচনৰ (GMC Election 2022) প্ৰচাৰ অভিযান ৷ প্ৰচাৰৰ অন্তিমটো দিনত ৱাৰ্ডে ৱাৰ্ডে দেখা গ'ল শাসক বিৰোধী দলৰ প্ৰাৰ্থীৰ সমৰ্থনত দলীয় নেতা পালিনেতাৰ ভিৰ ৷

ভিন্ন সমস্যাৰে জৰ্জৰিত গুৱাহাটী পৌৰ নিগমৰ ১২ নং ৱাৰ্ডৰ অন্তৰ্গত মালিগাঁও কৃষ্ণনগৰ (GMC ward story) ৷ এই ক্ষেত্ৰত জনপ্ৰতিনিধিয়ে কোনো গুৰুত্ব প্ৰদান নকৰাৰ অভিযোগ স্থানীয় বাসিন্দাৰ ৷