চৰাইদেউ কাণ্ডৰ দুই অভিযুক্তক আটক আৰক্ষীৰ

শনিবাৰে চিকিৎসালয়ৰ পৰা ক’ভিড মুক্ত হৈ ঘৰলৈ গৈ থকা অৱস্থাত চৰাইদেউৰ দুই মহিলাক দুজনীয়া দুৰ্বৃত্তৰ দলে আগচি ধৰি ধৰ্ষণৰ চেষ্টা চলায় ৷ উক্ত কাণ্ডৰ লগত জড়িত দুই অভিযুক্তক সোমবাৰে আৰক্ষীয়ে কৰায়ত্ত কৰে ৷

মৰাণ,1 জুন: শনিবাৰে চৰাইদেউ জিলাৰ বৰহাটত কোৱাৰেণ্টাইন কেন্দ্ৰৰ পৰা ক’ভিড মুক্ত হৈ ঘৰলৈ আহি থকা অৱস্থাত দলবদ্ধ ধৰ্ষণৰ সন্মুখীন হৈছিল এগৰাকী মহিলা । ইয়াৰ পিছতে বৰহাট আৰক্ষী থানাই বিষয়টো গুৰুত্ব সহকাৰে লৈ অতি ক্ষীপ্ৰতাৰে অভিযান চলাই সোমাবাৰে বৰহাট আৰক্ষী থানাৰ উপ-পৰিদৰ্শক নিপুমণি চৌধুৰীৰ নেতৃত্বত বৰহাট চাহ বাগিচাৰ দুই দুৰ্বৃত্তই আটক কৰিবলৈ সক্ষম হয় ।

উল্লেখ্য যে, চৰাইদেউ জিলাৰ বৰহাট আৰক্ষী থানাৰ অন্তৰ্গত ডাঙৰীকুমাৰ গাঁৱৰ পানীচুকী গ্ৰাণ্টৰ নগামাটিৰ এটা পৰিয়ালৰ এগৰাকী মহিলাৰ লগত সংঘটিত হৈছিল এই ঘটনা । সম্পৰ্কত দুয়োগৰাকী মাতৃ-কন্যাই বিগত কিছুদিনৰ পৰা কৰ'ণাত আক্ৰান্ত হৈ ২১ মে’ৰ পৰা সাপেখাতী আদৰ্শ চিকিৎসালয়ত চিকিৎসাধীন হৈ আছিল ৷

বিগত ২৭ মে’ত মহিলা দুগৰাকীৰ ক’ভিড টেষ্টৰ ৰিপ’ৰ্টত (covid test report) ক’ভিড মুক্ত বুলি প্ৰকাশ হোৱাত তেওঁলোকক চিকিৎসালয়খনৰ পৰা ঘৰলৈ যোৱাৰ অনুমতি প্ৰদান কৰা হয় ৷ পৰিয়ালটোৱে জনোৱা মতে, দিনৰ প্ৰায় 2.30 মান বজাত চিকিৎসালয়ৰ পৰা অব্যাহতি দিয়াৰ পিছত সান্ধ্য আইন (curfew) চলি থকাৰ বাবে কোনো ধৰণৰ গাড়ী-মটৰ নোপোৱাত মহিলা দুগৰাকীয়ে ঘৰ আহিবলৈ চিকিৎসালয় কৰ্তৃপক্ষক এম্বুলেঞ্চৰ ব্যৱস্থা কৰি দিবলৈ অনুৰোধ জনায় ৷ কিন্তু চিকিৎসালয় কৰ্তৃপক্ষই এখন বাহনৰ ব্যৱস্থা কৰি দিবলৈ ব্যৰ্থ হয় ৷

উপায়ন্তৰ হৈ দুয়োগৰাকী মহিলাই খোজকাঢ়িয়ে গৃহ অভিমুখে প্ৰায় ২০ কিল’মিটাৰ পথ অতিক্ৰম কৰাৰ লক্ষ্য লয় ৷ কিন্তু, যাত্ৰাপথতে পোৱা বৰহাট চাহ বাগিচাৰ ধোদৰআলিত ৰৈ থকা দুজন যুৱকে মহিলা দুগৰাকীক আগচি ধৰি ধৰ্ষণৰ চেষ্টা চলায় ৷

আনহাতে, জীয়েক গৰাকীয়ে পলাই গৈ নিজক বচাবলৈ সক্ষম হোৱাৰ লগতে এখন দোকানত প্ৰৱেশ কৰি সহায় বিচৰাত স্থানীয় গাওঁৰক্ষী বাহিনীৰ লগতে বৰহাট আৰক্ষী প্ৰশাসনক খবৰ দিয়া হয় ৷ ইয়াৰ পিছতে ঘটনাস্থলীত ততাতৈয়াকৈ বৰহাট আৰক্ষী উপস্থিত হৈ মহিলা গৰাকীক উদ্ধাৰ কৰিবলৈ সক্ষম হয় ৷ কিন্তু আৰক্ষীৰ উপস্থিতিৰ উমান লাভ কৰি ঘটনাস্থলীৰ পৰা পলাই যাবলৈ সক্ষম হয় দুৰ্বৃত্ত দুজনে ৷ পৰৱৰ্তী সময়ত সোমবাৰে আৰক্ষীয়ে দুয়োকে আটক কৰে ৷

লগতে পঢ়ক: মৈৰাবাৰী বজাৰত চোৰৰ লুটপাট অব্যাহত