গুৱাহাটী, 28 মে’: মঙলবাৰে গুৱাহাটীত অবৈধ সুৰাৰ বিৰুদ্ধে অভিযান চলাই প্ৰাগজ্যোতিষপুৰ আৱকাৰী বিভাগে ৷ মহানগৰীত দৈনিক বৃদ্ধি পোৱা অবৈধ সুৰাৰ বিৰুদ্ধে সষ্টম হৈ উঠিছে আবকাৰী বিভাগ ৷ মহানগৰৰ কেইবাটাও স্থানত অভিযান চলাই দলটোৱে জব্দ কৰে ৮০০ লিটাৰ চুলাই প্ৰস্তুতকাৰী পনীয় আৰু ৩০ লিটাৰ চুলাই ৷
স্থানীয় ৰাইজৰ অভিযোগৰ ভিত্তিতেই সঘনাই এনেদৰে অভিযান চলাই থকা হয় যদিও বৰ্তমানো অব্যাহত আছে চুলাই ৰমৰমীয়া বেহা । একাংশ অসাধু ব্যৱসায়ীয়ে মহানগৰীৰ চুকে কোণে বিক্ৰী কৰি আছে চুলাই । আনহাতে, আগলৈও অবৈধ চুলাই বিৰুদ্ধে এনে অভিযান সদায়ে অব্যাহত থাকিব বুলি প্ৰকাশ কৰে অভিযানকাৰী দলটোৱে ৷
