মৰণফাণ্ডঃ হাতী খেদিবলৈ লোৰ গজাল কিমান সমীচিন !

বন্যহস্তীৰ সন্ত্ৰাস কোনো নতুন কথা নহয় ৷ বন্যহস্তীক ৰোধিবলৈ বহু সময়ত বহু অভিনৱ পন্থা গ্ৰহণ কৰি অহা হৈছে যদিও এইবাৰ নাৰেংগী সেনা ছাউনীত বন্যহস্তীৰ সন্ত্ৰাস ৰোধিবলৈ ব্যৱহাৰ কৰা নতুন পদ্ধতিয়ে চকু কপালত তুলিছে সকলোৰে ৷

গুৱাহাটী,3 এপ্ৰিলঃবনৰীয়া হাতীৰ সন্ত্ৰাস ৰোধিবলৈ অদ্ভূত কাৰ্য মহানগৰীৰ নাৰেংগী সেনা ছাউনীত ৷ হাতীৰ প্ৰৱেশ ৰোধ কৰিবলৈ গজাল ব্যৱহাৰ এতিয়া আঘাতপ্ৰাপ্ত হৈছে তিনিটাকৈ হাতী ৷ উল্লেখ্য যে, নাৰেংগী সেনা ছাউনী অঞ্চলত তিনিটাকৈ বনৰীয়া হাতীয়ে চলাইছে সন্ত্ৰাস ৷ হাতীৰ এই সন্ত্ৰাসক লৈ ৰাইজ আতংকিত হোৱাৰ সময়তে নাৰেংগী সেনা ছাউনীৰ এক কাৰ্যই এতিয়া প্ৰতিক্ৰিয়া সৃষ্টি কৰিছে অঞ্চলটোত ৷ খাদ্যৰ সন্ধানত আমচাং বনাঞ্চলৰ পৰা ওলাই অহা হাতী ৰোধিবলৈ নাৰেংগী সেনা ছাউনীত মৰণফাণ্ড হিচাপে দিয়া লোৰ গজালত ভৰি দি এতিয়া আঘাতপ্ৰাপ্ত হৈছে হাতী ৷ আঘাতপ্ৰাপ্ত হাতীকেইটা পুনৰ অভয়াৰণ্যলৈ উভতি যাব নোৱাৰাত এতিয়া স্থানীয় ৰাইজে খাদ্যৰ যোগান ধৰাৰ লগতে বনবিভাগৰ লোক উপস্থিত হৈ চিকিৎসা প্ৰদান কৰিছে ৷