শিলচৰ, ৬ ফেব্ৰুৱাৰী: শিলচৰত ৰহস্যজনক ঘটনা । ডিঙিত চিপ লগোৱা অৱস্থাত শিলচৰ পঞ্চায়ত ৰোডৰ ভাড়াঘৰত উদ্ধাৰ শিলচৰ পঞ্চায়ত ৰোডত ৩৫ বছৰীয়া এগৰাকী যুৱতীৰ মৃতদেহ । ইফালে যুৱতী গৰাকীৰ মৃতদেহৰ কাষত উদ্ধাৰ এখন ছুইচাইড নোট আৰু তেওঁৰ প্ৰেমিকৰ ফটো । ঘটনাৰ পিছতে এতিয়া অঞ্চলজুৰি তীব্ৰ চাঞ্চল্য়ই বিৰাজ কৰিছে ।
জানিব পৰা মতে মৃত যুৱতী গৰাকীৰ ঘৰ কাছাৰ জিলাৰ চেংদুৱাৰ চাহ বাগিচাত ৷ লিপি দাম কানুনগো নামৰ যুৱতী গৰাকী কৰ্ম সূত্ৰে শিলচৰ চহৰৰ পঞ্চায়ত ৰোডৰ এটা ভাড়াঘৰত আছিল ৷ প্ৰাপ্ত তথ্য অনুসৰি যুনতীগৰাকী কলেজত থাকোতে কৰিমগঞ্জৰ এজন যুবকৰ লগত প্ৰেমৰ সম্পৰ্ক আছিল ৷ দীৰ্ঘদিনীয়া এই প্ৰেমৰ সম্পৰ্কৰ মাজত যুৱতী গৰাকী এবাৰ অন্তঃসত্ত্বা হৈছিল আৰু ইয়াৰ পিছত যুৱতী গৰাকীয়ে যুৱক জনক বিয়া কৰাৰ কথা ক'লে যুৱক জনে বিয়া কৰাবলৈ অস্বীকাৰ প্ৰকাশ কৰিছিল ৷
আনকি যুৱতী গৰাকীক ভয় দেখুৱাই গৰ্ভাপাত কৰাবলৈ বাধ্য় কৰোৱাৰ অভিযোগ উঠিছে প্ৰেমিক ধ্ৰুবজ্যোতি নাথৰ বিৰুদ্ধে ৷ পিছত প্ৰেমিক জনে তেওঁৰ লগত সম্পৰ্ক শেষ কৰি আঁতৰি যায় ৷ ইয়াক লৈ প্ৰেমিক ধ্ৰুবজ্যোতি নাথৰ বিৰুদ্ধে যুৱতী গৰাকীয়ে যোৱা মাহত এটা গোচৰ ও ৰুজু কৰিছিল থানাত ৷ কিন্তু কোনো ন্যায় নাপাই যুৱতী গৰাকী দীৰ্ঘ দিন ধৰি মানসিক যন্ত্ৰণাত ভুগিছিল আৰু এইবোৰ কাৰণতে অৱশেষত যুবতী গৰাকীয়ে মৃত্য়ুৰ পথ বাছি লোৱা বুলি সন্দেহ কৰিছে ৰাইজে ৷
লগতে পঢ়ক:প্ৰধানমন্ত্ৰীৰ সভাৰ আদৰণি তোৰণত লাগিল জুই
