শিলচৰ,4 নবেম্বৰ: শিলচৰত মধ্যাহ্ন ভোজন কঢ়িয়াই নিয়া গাড়ী ভাঙিলে মধ্যাহ্ন ভোজনৰ কৰ্মচাৰী সকলে ৷ ঘটনা অনুসৰি শিলচৰত শ্ৰীকোনা নামৰ এলেকাটোত মধ্যাহ্ন ভোজনৰ দায়িত্ব বহন কৰা বেচৰকাৰী সংস্থাই গাড়ীত মধ্যাহ্ন ভোজনৰ সামগ্ৰীৰ বস্তু লৈ স্কুলত দিবলৈ গৈ অৱস্থাত আক্ৰমণ কৰে ৰান্ধনীসকলে । বে-চৰকাৰী সংস্থাটোৱে গাড়ীত মধ্যাহ্ন ভোজনৰ সামগ্ৰী লৈ গৈ থকাৰ খৱৰ পাই মধ্যাহ্ন ভোজনৰ কৰ্মচাৰী সকলে গাড়ীখন ৰখাই সকলো লণ্ড-ভণ্ড কৰাৰ উপৰিও সকলো খাদ্য সামগ্ৰী নষ্ট কৰি দিয়ে ৷
উল্লেখ্য যে, বিদ্যালয়ত মধ্যাহ্ন ভোজনৰ দায়িত্ব বেচৰকাৰী সংস্থাক হস্তান্তৰ কৰাৰ চৰকাৰৰ সিদ্ধান্তৰ বিৰুদ্ধে পূৰ্বে মধ্যাহ্ন ভোজনৰ দায়িত্বত থকা ৰান্ধনীসকলে ৰাজ্যজুৰি প্ৰতিবাদ চলাই আহিছে ৷ তেনে এক সময়ত শিলচৰত সংঘটিত এই ঘটনাই মধ্যাহ্ন ভোজনৰ কৰ্মচাৰী সকলৰ আন্দোলনটোক বিপথে পৰিচালিত কৰাৰ যথেষ্ট সম্ভাৱনা আছে ৷ লগতে ৰান্ধনীসকলৰ এই কাৰ্য কেতিয়াও সমৰ্থন যোগ্য নহয় ৷ বৰ্তমান এই কাৰ্যৰ পাছত উক্ত মধ্যাহ্ন ভোজনৰ কৰ্মচাৰীসকলৰ ওপৰত চৰকাৰ বা আৰক্ষী প্ৰশাসনে কি ব্যৱস্থা গ্ৰহণ কৰে সেয়া লক্ষ্যণীয় হ'ব ৷
