পঞ্চম দিনাও অনশন অব্যাহত অসম বিশ্ববিদ্যালয়ত

শুকুৰবাৰে শিলচৰস্থিত অসম বিশ্ববিদ্যালয়ৰ প্ৰতিবাদ পঞ্চমটো দিনত উপনীত হয় ৷ পঞ্চম দিনটোত এই অনশন কাৰ্যসূচীত অংশগ্ৰহণ কৰা চাৰিগৰাকীকৈ ছাত্ৰৰ স্বাস্থ্যৰ অৱনতি ঘটাত শিলচৰ চিকিৎসা মহাবিদ্যালয় হাস্পতালত ভৰ্তি কৰোৱা হয় ৷

শিলচৰ, 14 ফেব্ৰুৱাৰীঃ পঞ্চম দিনাও আন্দোলন অব্যাহত শিলচৰস্থিত অসম বিশ্ববিদ্যালয়ত ৷ এগৰাকী গৱেষক ছাত্ৰক বিশ্ববিদ্যালয়ৰ পৰা বহিষ্কাৰ কৰাৰ প্ৰতিবাদত অনশন কাৰ্যসূচী গ্ৰহণ কৰিছিল ছাত্ৰসমাজ তথা গৱেষক ছাত্ৰ সমাজে ৷ শুকুৰবাৰে এই আন্দোলনে পঞ্চমটো দিনত ভৰি দিয়ে ৷ পঞ্চম দিনটোত এই অনশন কাৰ্যসূচীত অংশগ্ৰহণ কৰা চাৰিগৰাকীকৈ ছাত্ৰৰ স্বাস্থ্যৰ অৱনতি ঘটাত শিলচৰ চিকিৎসা মহাবিদ্যালয় হাস্পতালত ভৰ্তি কৰোৱা হয় ৷ ছাত্ৰ সমাজৰ দাবীক ন্যায্য প্ৰাপ্ত নকৰালৈকৈ আন্দোলন অব্যাহত থাকিব বুলি হুংকাৰ প্ৰদান কৰে ছাত্ৰ সমাজে ৷ আনহাতে বিশ্ববিদ্যালয়ৰ ছাত্ৰ-ছাত্ৰী আৰু গৱেষকসকলৰ এই আন্দোলনত বিশ্ববিদ্যালয়ৰ শিক্ষক আৰু কৰ্মচাৰী সন্থাই পৃথককৈ সমৰ্থন জনাইছে ৷

আৰু পঢ়কঃপ্ৰখ্যাত বাঁহীবাদক প্ৰভাত শৰ্মালৈ 2020 বৰ্ষৰ ভবেন বৰুৱা-মহানন্দ শৰ্মা জীৱনজোৰা সাধনা বঁটা