কাছাৰ, 1 এপ্ৰিল : শিলচৰত অসম আৰক্ষীৰ এক বৃহৎ সফলতা ৷ কিছুদিনৰ পৰাই অঞ্চলটোত সন্ত্ৰাসৰ সৃষ্টি কৰা ডকাইতৰ এটা সজাতি দল আৰক্ষীৰ জালত ৷ আটকাধীন তিনিওজন ক্ৰমে ছাবুল আহমেদ, মনিৰ উদ্দিন, মাছুম আহমেদ ৷
প্ৰাপ্ত তথ্য মতে, দেওবাৰে নিশা শিলচৰৰ-গুৱাহাটী ৰাষ্ট্ৰীয় ঘাইপথত, শিলচৰৰ পৰা কলিকতা অভিমুখী WB 73 E 5230 নম্বৰৰ এখন ট্ৰাকৰ ওপৰত ডকাইতি চলায় ৷ ডকাইতৰ দলটোৱে ট্ৰাকৰ চালকক মাৰধৰ কৰাৰ লগতে 20 হাজাৰ লুটি নিয়ে ৷ ঘটনা সন্দৰ্ভত ট্ৰাকৰ চালকজনে কালাইন আৰক্ষীক অৱগত কৰাৰ লগতে এখন এজেহাৰ দাখিল কৰে ৷ আৰক্ষীয়ে উক্ত এজেহাৰৰ খনৰ ভিত্তিতেই অভিযান চলাই আটক কৰে আটাইকেইজনক ৷
