শিলচৰ পথ দুৰ্ঘটনাত নিহত যুৱতীৰ গৃহত উপস্থিত সুস্মিতা দেৱ

সোমবাৰে কাছাৰৰ শিলচৰত সংঘটিত হৈছিল শোকাৱহ পথ দুৰ্ঘটনা ৷ বীৰবল বজাৰত এখন দ্ৰুত গতিত অহা ট্ৰাকৰ খুন্দাত নিহত হোৱা যুৱতী 2 গৰাকীৰ ঘৰত বৃহস্পতিবাৰে উপস্থিত হয় শিলচৰৰ প্ৰাক্তন সাংসদ আৰু সৰ্বভাৰতীয় মহিলা কংগ্ৰেছৰ সভানেত্ৰী সুস্মিতা দেৱ ৷

শিলচৰ, 7 নৱেম্বৰঃ কালীপূজাৰ পিছদিনা সন্ধিয়া শিলচৰৰ মেহেৰপুৰ বীৰবল বজাৰত এখন দ্ৰুত গতিত অহা ট্ৰাকৰ খুন্দাত নিহত হোৱা যুৱতী 2 গৰাকীৰ ঘৰত উপস্থিত হ'ল শিলচৰৰ প্ৰাক্তন সাংসদ আৰু সৰ্বভাৰতীয় মহিলা কংগ্ৰেছ সভানেত্ৰী সুস্মিতা দেৱ ৷ মৃত যুৱতীদ্বয় ক্ৰমে সোনালী দাস আৰু পম্পী দে'ৰ ঘৰত উপস্থিত হৈ তেওঁলোকৰ পৰিয়ালৰ সৈতে মত বিনিময় কৰে সুস্মিতা দেৱে ৷ লগতে সাংবাদিকৰ সৈতে হোৱা সাক্ষাৎকাৰত প্ৰাক্তন সাংসদগৰাকীয়ে এই দুৰ্ঘটনাৰ সৈতে ৰাজনীতি কৰা উচিত নহয় বুলি মন্তব্য কৰে ৷

লগতে পঢ়কঃশিলচৰ দুৰ্ঘটনাত নিহত দুই যুৱতীৰ ঘৰত সাংসদ ড. ৰাজদীপ ৰায়

উল্লেখ্য যে, সোমবাৰে কাছাৰৰ শিলচৰত সংঘটিত হৈছিল শোকাৱহ পথ দুৰ্ঘটনাটো ৷ মিজোৰামৰ পৰা অসম অভিমুখী এখন তীব্ৰ বেগী ট্ৰাকে প্ৰথমে সোনাইত দুৰ্ঘটনা সংঘটিত কৰে ৷ তাৰ পাচতেই ট্ৰাকখনে শিলচৰৰ ৰাঙিৰখাড়িত প্ৰৱেশ কৰে ৷ ট্ৰাকখনে মেহেৰপুৰৰ বীৰবল বজাৰত কালীপূজাৰ বিসৰ্জনৰ বাবে যোৱা ভক্তপ্ৰাণ ৰাইজক খুন্দিয়াই ৷ এই দুৰ্ঘটনাত দুগৰাকী কিশোৰী নিহত হোৱাৰ বিপৰীতে 16 জন আহত হয় ৷ ইয়াৰ পাচতেই উত্তজিত ৰাইজে জ্বলাই দিছিল ট্ৰাকখন ৷ পাচত আৰক্ষীয়ে আটক কৰিছিল ট্ৰাকখনৰ চালকক ৷