উত্তৰ অভয়াপুৰী, 14 মে': সোমবাৰৰ ৰাজ্যৰ বিভিন্ন প্ৰান্তৰ লগতে বঙাইগাঁও জিলাৰ মাণিকপুৰ অঞ্চলতো বিধ্বংসী ধুমুহাই বিস্তৰ ক্ষতি সাধন কৰে ৷ মাণিকপুৰ অঞ্চলৰ দুখনকৈ বিদ্যালয় গৃহ ধুমুহাই ভাঙি চূৰমাৰ কৰে ৷
মাণিকপুৰত ধুমুহাৰ ফলত বিস্তৰ ক্ষতি সাধন
মাণিকপুৰ শিক্ষা খণ্ডৰ অন্তৰ্গত গাৰোলেটি প্ৰাথমিক বিদ্যালয়ৰ সম্পূৰ্ণ গৃহটো ধুমুহাৰ ফলত ভাগি পৰে ৷ ইপিনে কোনোমতে বিদ্যালয়খনৰ ছাত্ৰ ছাত্ৰী আৰু শিক্ষক শিক্ষয়িত্ৰী সকলৰ প্ৰাণ ৰক্ষা পৰে ৷ আনহাতে 734নং ধুপুৰী-লুংঝাৰ প্ৰাথমিক বিদ্যালয়খনৰ চৌহদত থকা এডাল ডাঙৰ গছ ধুমুহাৰ ফলত ভাগি বিদ্যালয় গৃহৰ ওপৰত পৰাত গৃহটোৰ যথেষ্ট ক্ষয়-ক্ষতি হয় ৷ অৱশ্যে ভাগ্যক্ৰমে দুয়োখন বিদ্যালয়ৰ ছাত্ৰ ছাত্ৰী আৰু শিক্ষক শিক্ষয়িত্ৰী সকলৰ কোনো ধৰণৰ হানি-বিঘিনি নঘটিল ৷
