বঙাইগাঁও, 14 নৱেম্বৰ : বঙাইগাঁও জিলাৰ মাণিকপুৰ আৰক্ষী থানাৰ অন্তৰ্গত সোনাইকোলাত দুটাকৈ জুৱাৰী(Gambler) আটক ৷ জগদ্ধাত্ৰী মেলাৰ নামত বৃহৎ জুৱা খেল চলি থকাৰ মাজতে মাণিকপুৰ আৰক্ষী(Manikpur Police)য়ে অভিযান চলাই আটক কৰে জুৱাৰী দুটাক ৷
আটকাধীন জুৱাৰী দুটাৰ পৰা 5 খন মটৰ চাইকেল, জুৱাৰ সামগ্ৰী আৰু 8 হাজাৰ টকা জব্দ কৰিবলৈ সক্ষম হয় আৰক্ষীয়ে ৷ উল্লেখ্য যে, জগদ্ধাত্ৰী মেলাৰ নামত সোনাইকোলাত শনিবাৰে সন্ধিয়া ভাগৰ পৰাই বৃহৎ জুৱা খেল অনুষ্ঠিত হৈছিল ।
মাণিকপুৰ থানাৰ আৰক্ষীয়ে জুৱা চলি থকাৰ সময়তে ঘটনাস্থলীত উপস্থিত হয় ৷ আটকাধীন জুৱাৰী দুটাৰ নাম চবি আলী আৰু আছমত আলী ৷ সম্প্ৰতি মাণিকপুৰ আৰক্ষীৰ জিম্মাত আছে জুৱাৰী দুটা ৷
লগতে পঢ়ক : Two Arrested : হাতীৰ দাঁতসহ আৰক্ষীৰ জালত মিন্টু-ছাহজাহান
