মাণিকপুৰ, 26 জুন : অৱশেষত বন্যাৰ্তৰ কাষত উপস্থিত হ’ল সাংসদ আব্দুল খালেক (MP Abdul Khaleque visited flood effected area at Manikpur) ৷ বন্যাৰ্তই কান্দি কান্দি দোষৰ বিৱৰণ দিলে সাংসদগৰাকীক ৷ আনকি সাংসদগৰাকীও পৰৱৰ্তী সময়ত সকলো প্ৰকাৰৰ সহায়ৰ আশ্বাস প্ৰদান কৰে বন্যাৰ্তক ৷
তথ্য অনুসৰি, বঙাইগাঁও জিলাৰ মাণিকপুৰ ৰাজহ চক্ৰৰ অন্তগৰ্ত 2 নং বাশবাৰীত যোৱা এসপ্তাহত আই নৈৰ খহনীয়াত সৰ্বহাৰা হৈছে দুই শতাধিক পৰিয়াল । নৈপৰীয়াৰ বাসগৃহৰ লগতে নৈত বিলীন হৈছে বহু অনুষ্ঠান-প্ৰতিষ্ঠানৰ লগতে ডাঙাইগাঁও-কীৰ্ত্তনপাৰাৰ পকী পথো ।
জিলা প্ৰসাশনে খহনীয়া প্ৰতিৰোধৰ বাবে যাবতীয় ব্যৱস্থা হাতত লৈয়ো সফল হোৱা নাই । আই নৈৰ খহনীয়াৰ সময়ত ক্ষতিগ্ৰস্তৰ কাষত আহিবলৈ সময় পোৱা নাছিল সাংসদ আব্দুল খালেক । যাৰ বাবে দেওবাৰে ক্ষতিগ্ৰস্ত লোকসকলৰ কাষত আহি উপস্থিত হয় সাংসদগৰাকী (MP Abdul Khaleque at Manikpur) ।
স্থানীয় বিধায়ক আব্দুল বাতিন খন্দকাৰক লগত লৈ আই নৈৰ খহনীয়া অঞ্চল পৰিদৰ্শন কৰে সাংসদগৰাকীয়ে । আই নৈৰ খহনীয়া অঞ্চল পৰিদৰ্শন কৰাৰ সময়তে সাংসদগৰাকীৰ সম্মুখত হিয়া উজাৰি কান্দোনত ভাঙি পৰিল এগৰাকী খহনীয়াগ্ৰস্ত লোক ।
লগতে পঢ়ক : নতুন প্ৰযুক্তিৰে নিৰ্মাণ কৰা হ’ব ভগ্ন মথাউৰি : পীযুষ হাজৰিকা
