পৰম্পৰা ৰক্ষা কৰি ৰাজ্যত অনুষ্ঠিত হ'ল বোকাখছা ভাওনা

শ্ৰীকৃষ্ণৰ জন্মাষ্টমী উপলক্ষে চতিয়া আৰু অভয়াপুৰীত পৰম্পৰা ৰক্ষা কৰি অনুষ্ঠিত হয় বোকাখছা ভাওনা ৷

চতিয়া আৰু অভয়াপুৰী, 24 আগষ্টঃ শ্ৰীকৃষ্ণৰ জন্মাষ্টমী উপলক্ষে চতিয়াৰ ঐতিহাসিক পাতলৰচুক গাঁৱৰ নামঘৰত 264 বছৰীয়া পৰম্পৰা অটুট ৰাখি বোকাখছা ভাওনা অনুষ্ঠিত হয় ৷ পাঁচতি উৎসৱ বা নন্দোৎসৱ নামেৰে পৰিচিত এই বোকাখছা ভাওনাত পুৱাৰে পৰাই অলেখ ভক্তপ্ৰাণ ৰাইজৰ সমাৱেশ ঘটা পৰিলক্ষিত হয় ৷

একেদৰেই বঙাইগাঁও জিলাৰ অন্তৰ্গত বইটামাৰী হৰি মন্দিৰ প্ৰাংগণতো জন্মাষ্টমী উপলক্ষে 27 বছৰ জোৰা পৰম্পৰা ৰক্ষা কৰি বোকা খেল আৰু কলহ ভঙা পৰ্ব অনুষ্ঠিত কৰা হয় ৷