বঙাইগাঁও 19 মাৰ্চঃ কেৰালাৰ পৰা পলায়ন কৰা সন্দেহযুক্ত কৰ’ণা আক্ৰান্ত লোক এজনক আজি পুৱতি নিশা বঙাইগাঁৱত উদ্ধাৰ কৰি নিৰাপদ স্থানলৈ প্ৰেৰণ কৰা হৈছে ৷ বৰ্তমান বঙাইগাঁৱৰ এখন চিকিৎসালয়ত তেওঁক আছুতীয়াকৈ ৰখা হৈছে । লোকজন নগাঁও লাহৰীজানৰ বুলি জানিব পৰা গৈছে ৷ লোকজনক কেৰেলাত কৰ'ণাৰ সন্দেহত এখন হোটেলত আবদ্ধ কৰি ৰখা হৈছিল ৷ কেৰেলাৰ আৰক্ষীয়ে আৰক্ষীয়ে অসম আৰক্ষীক অৱগত কৰোৱাৰ পিচতে অসম আৰক্ষীৰ তৎপৰতা বৃদ্ধি পায় আৰু পুৱতি নিশা লোক জনক উদ্ধাৰ কৰে ৷
মানিকপুৰঃ মানিকপুৰতো কৰ'ণা আক্ৰান্তৰ সন্দেহত তিনি যুৱকৰ তেজৰ নমুনা সংগ্ৰহ কৰে ৷ বাংগালুৰুৰ পৰা তিনি যুৱক আক্ৰান্ত হৈ আছিল জ্বৰত ৷ বৰ্তমান আছুতীয়া কোঠাত তেওঁলোকক ৰকাৰ পৰামৰ্শ প্ৰদান কৰিছে চিকিৎসকে ৷
বৰপেটাৰোডঃ বৰপেটাৰোডৰ ৰে'লৱে ষ্টেচনত বৃহস্পতিবাৰে এক পৰীক্ষাৰ অন্তত এজন লোকক কৰ'ণাৰ সন্দেহত বৰপেটা মেডিকেল কলেজলৈ প্ৰেৰণ কৰে ৷ বৰপেটাৰোড চহৰৰ আনন্দ নগৰৰ বাসিন্দা এই লোকজন তিনিদিন পূৰ্বে আহিছিল বিহাৰৰ পৰা ৷ তিনিদিন ধৰি ব্যক্তি গৰাকী আক্ৰান্ত হৈ আছে চৰ্দি জ্বৰত ৷
ওদালগুৰিঃ ইফালে কৰ'ণা ভাইৰাছত আক্ৰান্ত হোৱাৰ সন্দেহত ওদালগুৰিৰ অসামৰিক চিকিৎসালয়ত ভৰ্তি কৰোৱা হৈছে দুজনকৈ যুৱকক ৷ ইয়াৰে এগৰাকী যুৱক কেৰেলা আৰু আনগৰাকী যুৱক বাংগালুৰুৰ পৰা অহা বুলি জানিব পৰা গৈছে ৷
খুমটাইঃ সমগ্র বিশ্বতে আতংকৰ সৃষ্টি কৰা কৰ'ণা ভাইৰাছৰ প্ৰতি লক্ষ্য ৰাখি খুমটাইৰ ঐতিহাসিক চিনাতলী বৰ নামঘৰৰ সমাজ পৰিষদে বৃহস্পতিবাৰৰ পৰা 31 মাৰ্চলৈ নামঘৰৰ সমূহ ধৰ্মীয় কাৰ্যসূচী স্থগিত ৰাখে ৷
ধেমাজিঃ ধেমাজি মহাবিদ্যালয়ৰ ৰসায়ন বিজ্ঞান বিভাগে কৰ'ণা ভাইৰাছ সংক্ৰমণৰ প্ৰতি লক্ষ্য ৰাখি সজাগতা আৰু নিৰাপদে থকাৰ বাবে স্বাস্থ্যসন্মত চেনিটাইজাৰ প্ৰস্তুত কৰি উলিয়াইছে ৷ HANDRUB নামৰ চেনিটাইজাৰ প্ৰস্তুত কৰি উলিয়াইছে বিভাগটোৰ একাংশ লোকে ৷
লগতে পঢ়কঃ কৰ’ণা ভাইৰাছক লৈ কিমান সজাগ ৰাইজ ?
