উত্তৰ অভয়াপুৰী, ১০ জুলাই : বঙাইগাঁও জিলাৰ আই আৰু মানাহ নদীৰ বাঢ়নী পানীয়ে অধিক ভয়ংকৰ ৰূপ ধাৰণ কৰাৰ সম্ভাৱনাৰ প্ৰতি লক্ষ্য কৰি শুকুৰবাৰে জিলা খনত সতৰ্কবাণী জাৰি কৰিছে প্ৰশাসনে।
জিলা খনৰ উত্তৰ শালমাৰা মহকুমাধিপতিৰ কাৰ্যালয়ৰ পৰা এক লিখিত সতৰ্কবাণীয়ে ইতিমধ্যে নৈ পৰীয়া মানুহৰ মাজত হাহাকাৰ পৰিবেশৰ সৃষ্টি কৰিছে । আই আৰু মানাহ নদীৰ বাঢ়নী পানী যাতে অনাকাংক্ষিত মৃত্যুৰ কাৰণ হ'ব নোৱাৰে তাৰ প্ৰতি লক্ষ্য ৰাখি এই সতৰ্কবাণী জাৰি কৰিছে । জানিব পৰা মতে, বাৰিষাৰ সময়ত নদীত গা ধোৱা, সাঁতোৰা, মাছ মৰা, নাও চলোৱা, ফেৰি সেৱা আদিৰ ওপৰত প্ৰশাসনে নিষেধাজ্ঞা জাৰি কৰিছে ।
লগতে পঢ়ক : সেউজী ধৰণী গঢ়াৰ সপোনত বিভোৰ নলবাৰীৰ নেলচন মেণ্ডেলা
