বঙাইগাঁৱত দুৰ্ঘটনাত বাইক আৰোহী নিহত

চাপৰাকাটাৰ কিষাণবজাৰৰ পৰা As-19-E-9061 নম্বৰৰ বাইক এখনেৰে চাপাগুৰী দিশত গৈ থকা অৱস্থাত চাপৰাকাটাৰ এছ এছ বি কেম্পৰ সমীপত অচিনাক্ত বাহন এখনে বাইকখনক খুন্দিয়াই পলায়ন কৰে ৷ বাহনৰ খুন্দাত বাইক আৰোহীজন থিতাতে নিহয় হয় ৷

বঙাইগাঁও,9 জুন :বঙাইগাঁৱৰ চাপৰাকাটাত বাইক দুৰ্ঘটনাত থিতাতে নিহত বাইক আৰোহী । দেওবাৰে পুৱা 10 মান বজাত বঙাইগাঁৱৰ চাপৰাকাটা সংযোগী 27 নং ৰাষ্ট্ৰীয় পথত সংঘটিত হয় পথ দুৰ্ঘটনা ৷ মৃত যুৱক গৰাকীক স্থানীয় কিষাণবজাৰৰ আনন্দী ৰায় বুলি চিনাক্ত কৰিছে আৰক্ষীয়ে ৷

জানিব পৰা মতে, আনন্দীয়ে চাপৰাকাটাৰ কিষাণবজাৰৰ পৰা As-19-E-9061 নম্বৰৰ বাইক এখনেৰে চাপাগুৰী দিশত গৈ থকা অৱস্থাত চাপৰাকাটাৰ এছ এছ বি কেম্পৰ সমীপত অচিনাক্ত বাহন এখনে বাইকখনক খুন্দিয়াই পলায়ন কৰে ৷ বাহনৰ খুন্দাত বাইক আৰোহীজন থিতাতে নিহয় হয় ৷ আৰক্ষীয়ে মৃতদেহটো মৰণোত্তৰ পৰীক্ষাৰ বাবে বঙাইগাঁও অসামৰিক চিকিৎসালয়লৈ প্ৰেৰণ কৰে ৷