বিশ্বনাথ,৬ অক্টোবৰ: ৰাজ্যজুৰি উদযাপন কৰা হৈছে ৬৮ সংখ্যক বন্যপ্ৰাণী সপ্তাহ(68th Wildlife Week celebrated in Assam) । বন্যপ্ৰাণী সপ্তাহ উপলক্ষে ৰাজ্যৰ ভিন্ন প্ৰান্তৰ সমান্তৰালভাৱে বিশ্বনাথ বন্যপ্ৰাণী সংমণ্ডলতো ব্যাপক আয়োজন কৰা পৰিলক্ষিত হৈছে(68th Wildlife Week celebrated in Biswanath) । বন্যপ্ৰাণী সপ্তাহ উপলক্ষে বৃহস্পতিবাৰে বিশ্বনাথৰ বন্যপ্ৰাণী সংমণ্ডলৰ পৰা উলিওৱা হয় এক বাইক ৰেলী ।
ৰাইজৰ মাজত বন্যপ্ৰাণী সংৰক্ষণৰ ক্ষেত্ৰত সজাগ আৰু সচেতনতা বৃদ্ধিৰ উদ্দেশ্যে বিশ্বনাথ বন বিভাগৰ বনৰক্ষীসকল আৰু আন কেইবাটাও বেচৰকাৰী সংস্থাৰ সহযোগত সজাগতামূলক বাইক ৰেলী উলিওৱা হয় । এই বাইক ৰেলী বিশ্বনাথৰ চাৰিআলি পৰা কুমলীয়া, কৰৈয়ণী, চতিয়াকে আদি কৰি বিশ্বনাথ চাৰিআলিৰ নগৰ মাজমজিয়াত অনুষ্ঠিত কৰা হয় ।
বাইক ৰেলীত অংশগ্ৰহণ কৰে বিশ্বনাথ সামাজিক বনানিকৰণ বন বিষয়া বিশ্বজিৎ দাসৰ লগতে স্থানীয় দল সংগঠনৰ সদস্য-সদস্যাই । কিদৰে বন্যপ্ৰাণী সংৰক্ষণ কৰিব পাৰি, কিদৰে বন্যপ্ৰাণী সংৰক্ষণৰ জৰিয়তে প্ৰকৃতিৰ ভাৰসাম্য ৰক্ষা কৰিব পাৰি সেই বিষয়ে বনবিষয়াসকলে ৰাইজৰ আগত বিশদভাৱে দাঙি ধৰে ।
লগতে পঢ়ক: হোজাইৰ নামঘৰত সত্যৰঞ্জন বৰাৰ বিস্ফোৰণ
