বিশ্বনাথ,২৪ মাৰ্চ: ৰাজ্যৰ চাৰিওফালে চলিছে নিৰ্বাচনী প্ৰচাৰ । প্ৰতিজন প্ৰাৰ্থীয়ে বিভিন্ন পন্থা লৈছে ভোটাৰৰ মন জয় কৰিবলৈ । কিন্তু ইয়াৰ মাজতে বিশ্বনাথ জিলাৰ বিহালী সমষ্টিত অঘটন । ৰাজপথত ট্ৰেক্টৰ ৰেলী উলিওৱাৰ সময়তে ট্ৰেক্টৰৰ খুন্দাত গুৰুতৰভাৱে আহত এগৰাকী ব্যক্তি ।
বিহালী সমষ্টিৰ নিৰ্দলীয় প্ৰাৰ্থী জয়ন্ত বৰাৰ সমৰ্থনত মঙলবাৰে উলিওৱা হৈছিল ট্ৰেক্টৰ ৰেলী । ৰেলীৰ সময়তে বিহালীৰ কমাপুখুৰীত প্ৰকাশ প্ৰধান নামৰ লোকজনক খুন্দা মাৰে এখন ট্ৰেক্টৰে । আঘাতপ্ৰাপ্ত প্ৰকাশ প্ৰধানক লগে লগে চিকিৎসালয়ত ভৰ্তি কৰোৱা হয় । জানিব পৰা মতে বিহালী অসামৰিক চিকিৎসালয়ত ভৰ্তি কৰোৱা লোকজনৰ অৱস্থা সম্প্ৰতি সংকটজনক ।
লগতে পঢ়ক:বৰপেটা জিলাৰ ৬ বিধানসভা সমষ্টিত ৬১ গৰাকী প্ৰাৰ্থীয়ে আগবঢ়াব প্ৰতিদ্বন্দিতা
