80 বছৰীয়া বৃদ্ধৰ কাণ্ডত লজ্জানত বিশ্বনাথ!

ভুক্তভোগী কিশোৰীৰ পৰিয়ালৰ অভিযোগ ভিত্তিত আৰক্ষীয়ে গ্ৰেপ্তাৰ কৰিছে অভিযুক্ত 80 বছৰীয়া বৃদ্ধাক

বিশ্বনাথ , 21 জুলাই: শনিবাৰে বিশ্বনাথৰ উত্তৰ ভিৰ গাৱঁৰ এজন 80 বছৰীয়া বৃদ্ধাই এগৰাকী 12 বছৰীয়া বিশেষ ভাৱে সক্ষম কিশোৰীক ধৰ্ষণ কৰাৰ অভিযোগ উত্থাপিত হৈছে ৷ কিশোৰী গৰাকীৰ পৰিয়ালৰ লোকৰ অভিযোগৰ ভিত্তিত নিশাই বিশ্বনাথ আৰক্ষীয়ে অভিযুক্ত অনিল শইকীয়াক আটক কৰে ৷

অভিযোগ অনুসৰি একেখন গাঁৱৰ বাসিন্দা অনিল শইকীয়াই বিশেষভাৱে সক্ষম কিশোৰী গৰাকীক ফুচুলাই নি ধৰ্ষণৰ অপচেষ্টা চলাই ৷ জানিব পৰা মতে পূৰ্বেও এই বৃদ্ধা গৰাকীৰ বিৰুদ্ধে এনে বহু ঘটনাৰ লগত জড়িত থকাৰ অভিযোগ উত্থাপিত হৈছিল ৷ আনহাতে মানৱ অধিকাৰ নেতা প্ৰলাস কোছে এই ঘটনা গৰিহণা দিয়া লগতে এই সমগ্ৰ ঘটনাৰ উচিত তদন্তৰ দাবী জনাই ৷