বিশ্বনাথ, ২৭ জুলাই : ছদিন উকলি যোৱাৰ পাছতো সন্ধান নাই বৰগাঙৰ শুকানসুঁতিত বৰগাং নৈত নিৰুদ্দেশ হোৱা ফুলেশ্বৰী ভূঞা নামৰ এগৰাকী ৬০/৬৫ বছৰীয়া মহিলাৰ । বৰগাং আৰক্ষী চকীৰ ভাৰপ্ৰাপ্ত বিষয়া টংকেশ্বৰ চুতীয়াৰ নেতৃত্বত কালিৰে পৰা তীব্ৰতৰ কৰি তোলা হৈছে নিৰুদ্দিষ্ট মহিলাৰ অনুসন্ধানৰ কাম । শুক্ৰবাৰে দিনৰ ২ বজাৰ পৰা মহিলা গৰাকীৰ সন্ধানত বৰগাং নদী খনৰ ইমূৰৰ পৰা সিমূৰলৈ ব্যাপক অনুসন্ধান চলায় কোনো শুংসূত্ৰ নাপালে গহপুৰৰ পৰা অহা এছ ডি আৰ এফৰ এটা উদ্ধাৰকাৰী দলে । মহিলাগৰাকী নদীখনৰ বাঢ়নী পানীত উটি গৈ ব্ৰহ্মপুত্ৰ নদীত বিলীন হৈ যোৱাৰ সম্ভাৱনা ব্যক্ত কৰে আৰক্ষীৰ লগতে এছ ডি আৰ এফ বাহিনীয়ে নিজৰ শংকা ব্যক্ত কৰে । উল্লেখযোগ্য যে, নিজৰ বিবাহিত কন্যাৰ বিয়া খাবলৈ আহি বৰগাং নদীৰ পাৰত সন্ধানহীন হৈছিল ফুলেশ্বৰী ভূঞা নামৰ মহিলাগৰাকীৰ ।
সন্ধান নাই বৰগাং নৈত নিৰুদ্দেশ হোৱা মহিলাৰ
