চতিয়া সমষ্টিৰ এক ইঞ্চি মাটিও সন্দেহজনক লোকৰ হাতত এৰি দিয়া নহ'বঃপদ্ম হাজৰিকা

শোণিতপুৰ জিলা প্ৰশাসনে কৰা উচ্ছেদৰ ভূমিত পুনৰ সন্দেহজনক লোকে ঘৰ সজা বুলি উল্লেখ কৰি এই সন্দেহজনক লোকসকলক উচ্ছেদ চলাবৰ বাবে দাবী চতিয়াৰ বিধায়ক পদ্ম হাজৰিকাৰ ৷ একাংশ লোকৰ উচতনিত সন্দেহজনক লোকসকল উচ্ছেদিত স্থানত আকৌ ঘৰ সাজিছে বুলি মন্তব্য তেওঁৰ ৷

চতিয়া, 23 ডিচেম্বৰঃ ‘চতিয়া সমষ্টিৰ এক ইঞ্চি মাটিও সন্দেহজনক লোকৰ হাতত এৰি দিয়া নহ'ব’ এই মন্তব্য চতিয়াৰ বিধায়ক পদ্ম হাজৰিকাৰ ৷ চতিয়া সমষ্টিৰ বিধায়ক পদ্ম হাজৰিকাই এক সংবাদমেল সম্বোধন কৰি শোণিতপুৰ জিলা প্ৰশাসনে কৰা উচ্ছেদ অভিযানৰ সম্বন্ধত মন্তব্য প্ৰদান কৰে ৷ শোণিতপুৰ জিলা প্ৰশাসনে কৰা উচ্ছেদৰ ভূমিত পুনৰ সন্দেহজনক লোকে ঘৰ সজা বুলি উল্লেখ কৰি এই সন্দেহজনক লোকসকলক উচ্ছেদ চলাবৰ বাবে দাবী জনায় বিধায়কগৰাকীয়ে ৷

আনহাতে চতিয়া সমষ্টিৰ উচ্ছদিত সন্দেহজনক লোকৰ হৈ ৰূপহীৰ বিধায়ক নুৰল হুদাৰ মাত মতাৰ অধিকাৰ নাই বুলি বুলি উল্লেখ কৰে বিধায়ক পদ্ম হাজৰিকাই ৷ লগতে কয় যে, মোৰ সমষ্টিৰ মাটি কোনোবা মহিলা সমিতিক দিওঁ নে, এন.জি.অ’ক দিওঁ এই কথাত বিধায়ক নুৰল হুদাৰ মতামতৰ কোনো প্ৰয়োজন নাই ৷ ইয়াৰোপৰি তেওঁ কয় যে, নাগৰিকত্ব সংশোধনী আইন বিৰোধী আন্দোলনত প্ৰশাসনে ব্যস্ত থকাৰ সুযোগ লৈ একাংশ লোকৰ উচতনিত সন্দেহজনক লোকসকল উচ্ছেদিত স্থানত আকৌ ঘৰ সাজিছে ৷

আৰু পঢ়কঃ NRCৰ পৰা বাদ পৰা ১৯ লাখৰ অধিকাংশই ভাৰতীয়ঃ আব্দুল খালেক