বিশ্বনাথ, 1 জুন : বিহালী বিধানসভা সমষ্টিৰ অন্তৰ্গত বেদেতীৰ জামুৱনীত সোমবাৰে পুৱা এক শোকাৱহ ঘটনা সংঘটিত হয়। ঘটনা অনুসৰি, পুৱা পথাৰত কোৰেৰে আলি কাটি থকা অৱস্থাত বজ্ৰপাত পৰি গুৰুতৰভাৱে আহত হয় বেদেতীৰ জামুৱনীৰ সুনীল কটকী (16) নামৰ এজন যুৱক। নিহত সুনীল অঞ্চলটোৰ ধন কটকী আৰু অৰুণা কটকীৰ পুত্ৰ বুলি জানিব পৰা গৈছে ৷
উল্লেখ্য যে, জনতা উচ্চতৰ মাধ্যমিক বিদ্যালয়ৰ পৰা হাইস্কুল শিক্ষান্ত পৰীক্ষাত অৱতীৰ্ণ হ'বলগীয়া অঞ্চলটোৰ এগৰাকী অমায়িক কিশোৰ সুনীলৰ মৃত্যুত সমগ্ৰ অঞ্চলটোতে পৰিছে শোকৰ ছাঁ।
লগতে পঢ়ক: 'চাইকেল গাৰ্ল' জ্যোতিৰ পিতৃৰ মৃত্যু
