বিশ্বনাথ ১৫ মে': গহপুৰত ভয়ংকৰ ৰূপত ক'ভিডৰ গণ সংক্ৰমণ আৰম্ভ হৈছে । দৈনিক দ্ৰুত গতিত বৃদ্ধি পাইছে ক'ভিড-19 ত আক্ৰান্তৰ সংখ্যা । কৰ’ণা দ্বিতীয়টো ঢৌত 15 মে'লৈকে ৩২৬ গৰাকীকৈ ব্যক্তি ক'ভিডত আক্ৰান্ত হৈছে । ইয়াৰোপৰি বৰ্তমানলৈকে তিনি গৰাকী লোক ক'ভিডত আক্ৰান্ত হৈ মৃত্যু ঘটিছে গহপুৰত । গণ সংক্ৰমণৰ প্ৰতি লক্ষ্য ৰাখি গহপুৰ প্ৰশাসনে জাৰি কৰা নিৰ্দেশ অনুসৰি হাট-বজাৰ, দোকান পোহাৰ খুলিব নোৱাৰিব গমিৰি আৰু কল্যাণপুৰ পঞ্চায়তৰ ব্যৱসায়ী সকলে ।
তাৰোপৰি ফাৰ্মাচী সমূহৰ কৰ্মচাৰীয়ে সাত দিনৰ মূৰে মূৰে কৰিব লাগিব ক'ভিড টেষ্ট । তেলেনী গাঁওখনক সম্পূৰ্ণৰূপে মাইক্ৰ কন্টেইনমেণ্ট জ'ন হিচাপে ঘোষণা কৰিছে প্ৰশাসনে । ঘাঁহিগাঁও আৰক্ষীয়ে গণ সংক্ৰমণ অধিক হোৱা অঞ্চল সমূহত অধিক সৰ্তকতামূলক দৃষ্টি ৰাখিছে । গমিৰি, মেইলবজাৰ, তেলেনীকে ধৰি ভিতৰুৱা গাঁও সমূহত আৰক্ষীয়ে তহল দি ৰাইজৰ মাজত সজাগতা আনিবলৈ চেষ্টা কৰা পৰিলক্ষিত হৈছে ।
লগতে পঢ়ক : পাগলাদিয়াৰ বুকুত অবৈধ শিল-বালি খননৰ বিৰুদ্ধে ৰাইজৰ প্ৰতিবাদ
