বিশ্বনাথ,10 এপ্ৰিল: শোণিতপুৰ জিলাৰ আবকাৰী বিভাগৰ বৃহৎ সাফল্য ৷ শনিবাৰে পুৱা প্ৰায় 10 মান বজাত আবকাৰী বিভাগৰ এটা দলে বিশ্বনাথৰ গহপুৰৰ ঘাহিগাঁৱত লক্ষাধিক মূল্যৰ অবৈধ অৰুণাচলী সুৰা ভৰ্তি এখন ট্ৰাক জব্দ কৰে ৷
শোণিতপুৰ জিলাৰ আবকাৰী অধীক্ষক দেৱজিৎ নাথ আৰু বিশ্বনাথ মহকুমাৰ আবকাৰী উপ পৰিদৰ্শকৰ নেতৃত্বত এটা অভিযানকাৰী দলে গহপুৰ ঘাহিগাওঁ পেট্ৰ’ল ডিপোৰ সমীপৰ পৰা অবৈধ অৰুণাচলী সুৰা কঢ়িওৱা ট্ৰাকখন জব্দ কৰে ।
দলটোৱে এক গোপন তথ্যৰ ভিত্তিত চলাইছিল এই অভিযান ৷ আনহাতে, অভিযানৰ খবৰ লাভ কৰাৰ পাছতেই ট্ৰাকৰ চালকজন ঘটনাস্থলীৰ পৰা পলায়ন কৰে ৷ উল্লেখ্য যে, আবকাৰী বিভাগৰ দলটোৱে ট্ৰাকখনত অভিযান চলাই প্ৰায় 8 লাখ টকাতকৈ অধিক মূল্যৰ সুৰা উদ্ধাৰ কৰে ।
UP 81 BT 4225 নম্বৰৰ উত্তৰ প্ৰদেশত পঞ্জীয়নকৃত ট্ৰাকখনত অনা সুৰাখিনি উত্তৰ প্ৰদেশলৈ নি থকা বুলি সন্দেহ প্ৰকাশ কৰিছে অভিযানকাৰী দলটোৱে ।
