বিশ্বনাথ, 15 জুনঃ অসমৰ স্বাস্থ্য মন্ত্ৰী ডঃ হিমন্ত বিশ্ব শৰ্মাৰ বিৰুদ্ধে অশোভনীয় মন্তব্য কৰি গ্ৰেপ্তাৰ হ'ল বিহালীৰ ছাত্ৰ মুক্তি সংগ্ৰাম সমিতিৰ অনিল বনিয়া নামৰ নেতা গৰাকী।
অভিযুক্ত নেতা জনে ডঃ হিমন্ত বিশ্ব শৰ্মা হঠাৎ অসুস্থ হৈ GMCHত চিকিৎসাৰ বাবে ভৰ্তি হোৱাৰ পাচত ফেচবুকত তেওঁৰ বিৰুদ্ধে কটু মন্তব্য কৰিছিল । মন্ত্ৰীগৰকীৰ ৰোগ হোৱাটো ভাল খবৰ বুলি উল্লেখ কৰাৰ লগতে মন্ত্ৰীগৰাকীৰ অহিত চিন্তা কৰিছিল যুৱকজনে ।
তাৰ পাচতেই যুৱক জনক গ্ৰেপ্তাৰ কৰিবলৈ বিভিন্ন জনে দাবী উত্থাপন কৰে । তাৰ পাচতেই বিশ্বনাথ জিলা আৰক্ষী অধীক্ষকে বিষয়টো তদন্ত চলাই সোমবাৰে বিহালী আৰক্ষীৰ এটা দলৰ তৎপৰতাত ছাত্র নেতা অনিল বনিয়াক গ্ৰেপ্তাৰ কৰে ।
অনিল বনিয়া ছাত্ৰ মুক্তি সংগ্ৰাম সমিতি বিহালী আঞ্চলিক সমিতিৰ সাধাৰণ সম্পাদক বুলি জানিব পৰা গৈছে।
লগতে পঢ়ক : পুৱাই উদ্ধাৰ সদ্যোজাতৰ মৃতদেহ