জনীয়া, 29 মাৰ্চ: জনীয়াত প্ৰচাৰ অভিযান তীব্ৰতৰ কৰি তুলিছে বিজেপি প্ৰাৰ্থী শ্বহিদুল ইছলামে ৷ জনীয়া সমষ্টিৰ মেধেৰটাৰী হাইস্কুল খেলপথাৰত অনুষ্ঠিত হোৱা বিজেপি দলৰ এক বৃহৎ নিৰ্বাচনী জনসভাত সোমবাৰে কেন্দ্ৰীয় মন্ত্ৰী গৰাকীয়ে অংশ লৈ বিজেপি প্ৰাৰ্থী গৰাকীৰ হৈ প্ৰচাৰ চলায় ৷
মিত্ৰজোঁটৰ প্ৰাৰ্থী শ্বহিদুল ইছলামৰ হৈ প্ৰচাৰ চলাবলৈ হেলিকপ্টাৰ যোগে উপস্থিত হৈ কেন্দ্ৰীয় ড'নাৰ মন্ত্ৰী গৰাকীয়ে তেওঁৰ ভাষণত কংগ্ৰেছ মহাজোঁটক সাম্প্ৰদায়িক জোঁট বুলি কঠোৰ সমালোচনা কৰে ৷ কংগ্ৰেছক মহাজোঁটক লৈ সমালোচনা কৰাৰ লগতে বিজেপি মিত্ৰজোঁটৰ প্ৰাৰ্থী শ্বহিদুল ইছলামক পদুম ফুলৰ ছবিত ভোট দি জয়ী কৰিবলৈ ৰাইজক মন্ত্ৰী গৰাকীয়ে আহ্বান জনায় ৷
সভাত জনীয়াৰ বিজেপি মিত্ৰজোঁটৰ প্ৰাৰ্থী শ্বহিদুল ইছলাম, ৰাজ্যিক সংখ্যালঘু মৰ্চাৰ সভাপতি মুক্তাৰ হুছেইন খান উপস্থিত থাকি ভাষণ আগবঢ়ায় ৷ সোমবাৰৰ সভাত প্ৰায় দহ হাজাৰ লোক সমাগত হোৱাৰ প্ৰতি লক্ষ্য ৰাখি জনীয়াত বিজেপিৰ জয় নিশ্চিত বুলি বিজেপিৰ প্ৰাৰ্থী শ্বহিদুল ইছলামে দাবী কৰে ৷
লগতে পঢ়ক:প্ৰথম পৰ্যায়ৰ নিৰ্বাচনত ৩৬টা সমষ্টিত কংগ্ৰেছৰ জয় নিশ্চিত: গৌৰৱ বল্লভ
