জনীয়া, 11 ডিচেম্বৰ : CAA ৰ বিৰোধিতাৰে ওলাই আহি মৃত্যুক সাৱটি লোৱা 5 গৰাকী শ্বহীদলৈ শুকুৰবাৰে শ্ৰদ্ধাঞ্জলি জ্ঞাপন কৰিলে কলগাছিয়া মহকুমা কৃষক মুক্তি সংগ্ৰাম সমিতিয়ে ৷ সংগঠনটোৱে ড৹ ভূপেন হাজৰিকা সোঁৱৰণী মঞ্চত বন্তি প্ৰজ্বলনেৰে শ্ৰদ্ধাঞ্জলি জ্ঞাপন কৰিলে পাঁচো গৰাকী শ্বহীদক ৷
শ্বহীদ কেইগৰাকীলৈ শ্ৰদ্ধাঞ্জলি জ্ঞাপন কৰাৰ লগতে এখন প্ৰতিবাদী সভাৰ জৰিয়তে কাৰাবন্দী কৃষক নেতা অখিল গগৈক মুকলি কৰি দিবলৈ দাবী জনায় সংগঠনটোৰ কৰ্মকৰ্তা সকলে ৷ আনহাতে CAA বিৰোধী আটাইকেইগৰাকী শ্বহীদৰ পৰিয়াললৈ চৰকাৰক 20 লাখ টকাৰ এককালীন সাহায্য প্ৰদান কৰিবলৈয়ো দাবী জনায় কৰ্মকৰ্তাসকলে ৷ অনুষ্ঠানত কলগাছিয়া মহকুমা কৃষক মুক্তিৰ নেতা আজমান আলী, ৰফিকুল ইছলাম, তিতাপানীৰ কৃষক নেতা আব্দুল হালিম সৰকাৰ উপস্থিত থাকে ৷
লগতে পঢ়ক: কা বাতিলৰ দাবীত জাতীয়তাবাদী যুৱ ছাত্ৰ পৰিষদৰ প্ৰতিবাদী সমদল
