বৰপেটা,১৮ মাৰ্চ: বৰপেটাৰ চেঙা সমষ্টিৰ কংগ্ৰেছ প্ৰাৰ্থী শুকুৰ আলী আহমেদৰ ৰেলীত বৃহস্পতিবাৰে এক ভয়ংকৰ পৰিস্থিতি সৃষ্টি হয় ৷ দলীয় সমৰ্থকে ভাঙি লণ্ড-ভণ্ড কৰে শুকুৰ আলী আহমেদৰ বাহন ৷
উল্লেখ্য যে, চেঙা সমষ্টিৰ কংগ্ৰেছৰ প্ৰাৰ্থী শুকুৰ আলী আহমেদে বৰপেটাত মনোনয়ন দাখিল কৰাৰ কথা আছিল ৷ কিন্তু দলীয় সমৰ্থকে সৃষ্টি উত্তেজনাময় পৰিস্থিতিৰ বাবে মনোনয়ন দাখিল কৰাৰ পৰা বিৰত থাকে ৷
ঘটনাৰ বিৱৰণ অনুসৰি, গুৱাহাটীৰ পৰা চেঙাত উপস্থিত হৈ শুকুৰ আলী আহমেদে সমদল কৰি আহি থকা অৱস্থাত শিলা গাঁৱৰ সমীপত একাংশ যুৱকে উত্তেজিত হৈ শুকুৰ আলী আহমেদৰ গাড়ীত আক্ৰমণ কৰে ৷ জানিব পৰা মতে বাইকত তেল ভৰোৱা কুপনক লৈ দলীয় কৰ্মী-সমৰ্থকৰ মাজত অসন্তুষ্টিৰ সৃষ্টি হৈছিল ৷
ফলত শুকুৰ আলী আহমেদে এনে পৰিস্থিতিৰ সৃষ্টি হয় ৷ পৰিস্থিতি এনে পৰ্যায় পায় যে বহৰিত চান ভিউ খেলপথাৰত নিৰ্মাণ কৰা নিৰ্বাচনী প্ৰচাৰ মঞ্চ জ্বলাই দিয়ে একাংশ লোকে ৷ উল্লেখ্য যে, শুকুৰবাৰে মনোনয়ন দাখিল কৰিব চেঙাৰ কংগ্ৰেছ প্ৰাৰ্থী শুকুৰ আলী আহমেদে ৷
লগতে পঢ়ক: তুংগত উঠিছে ৰাইজৰ দলৰ প্ৰাৰ্থী নজৰুল ইছলামৰ নিৰ্বাচনী প্ৰচাৰ
