বৰপেটাত নিৰ্বাচনী পোষ্টাৰ লগোৱাক লৈ দুই দলৰ সমৰ্থকৰ মাজত উত্তেজনা

বৰপেটাত নিৰ্বাচনী পোষ্টাৰ লগোৱাক লৈ দুই দলৰ সমৰ্থকৰ মাজত উত্তেজনা ৷ ঘটনা সন্দৰ্ভত বৰপেটা সদৰ আৰক্ষী চকীত এজেহাৰ দাখিল কংগ্ৰেছৰ ৷

বৰপেটা,13 এপ্ৰিল : ৬ নং বৰপেটা লোকসভা সমষ্টিৰ অন্তৰ্গত ৪৪ নং জনীয়া বিধানসভা সমষ্টিত দলীয় পোষ্টাৰ লগোৱাক লৈ উত্তেজনা ৷ অভিযোগ অনুসৰি, কংগ্ৰেছ কৰ্মীসকলে সমষ্টিটোৰ বিভিন্ন অঞ্চলত দলীয় মনোনীত প্ৰাৰ্থী আব্দুল খালেকৰ হৈ নিৰ্বাচনী পোষ্টাৰ লগায় ৷ কিন্তু পোষ্টাৰ লগোৱাৰ কিছু মহূৰ্তৰ পাচতেই একাংশ এ আই ইউ ডি এফ কৰ্মীয়ে সেই পোষ্টাৰ ফালি পেলায় ৷ কংগ্ৰেছ কৰ্মীৰ অভিযোগ একাংশ এ আই ইউ ডি এফ কৰ্মীয়ে কংগ্ৰেছ প্ৰাৰ্থী আব্দুল খালেকৰ জয়ৰ উমান পাই হিংসাত্মক পৰিৱেশৰ সৃষ্টি কৰিব বিছাৰিছে ৷ ঘটনা সন্দৰ্ভত ইতিমধ্যে বৰপেটা সদৰ আৰক্ষী চকীত এজেহাৰ দাখিল কৰিছে সক্ৰীয় কংগ্ৰেছ কৰ্মী তথা প্ৰাক্তন আঞ্চলিক সদস্য ৰফিকুল ইছলামে ৷