কলগাছিয়া, ২৮ জুন: বৰপেটা জিলাৰ কলগাছিয়া আৰক্ষী থানাৰ অন্তৰ্গত হালধীয়া গাঁৱত তীব্ৰ চাঞ্চল্য(Tension swells over teen suicide) । এগৰাকী ১৭ বছৰীয়া কিশোৰীৰ আত্মহত্য়া কৰা ঘটনাক লৈ গাঁওখনত বিৰাজ কৰিছে এক উত্তেজনাময় পৰিস্থিতি । প্ৰেমজনিত কাৰণতে কিশোৰীগৰাকীয়ে আত্মহত্য়া কৰাৰ অভিযোগ স্থানীয় ৰাইজৰ ।
জানিবপৰা মতে, হালধীয়া গাঁৱৰ ছহৰ অলীৰ ১৭ বছৰীয়া জীয়ৰি মামণি খাতুনৰ একে গাঁৱৰে মোবাৰকৰ পুত্ৰ ছবুৰ উদ্দিনৰ লগত বিগত দুবছৰ পূৰ্বৰে পৰা প্ৰেমৰ সম্পৰ্ক গঢ়ি উঠিছিল । কিন্তু প্ৰেমিক ছবুৰ উদ্দিনৰ ঘৰত সোমবাৰে সন্ধিয়া মামণি খাতুন উপস্থিত হোৱাৰ লগে লগে এক উত্তেজনাময় পৰিস্থিতিৰ সৃষ্টি হয় । পিছমুহূৰ্তত মামণি খাতুনক প্ৰেমিক ছবুৰ উদ্দিন, পিতৃ মোবাৰক, ভাতৃ ছলেমান আৰু মাতৃয়ে শাৰিৰীক আৰু মানসিক ভাৱে অত্যাচাৰ কৰা বুলি কিশোৰী গৰাকীৰ পৰিয়ালে জানিবলৈ দিয়ে ।
পিছত নিশাৰ ভাগত এক সামাজিক মেলত কিশোৰীগৰাকী বিবাহোপযুক্ত নোহোৱাৰ বাবে বিয়া দিয়াৰ সলনি ল'ৰা পক্ষক ৯০ হাজাৰ টকা জৰিমনা কৰি কিশোৰীগৰাকীক পিতৃৰ ঘৰলৈ ওভতাই দিয়ে । কিন্তু মঙলবাৰে পুৱা আনুমানিক ৯ বজাত নাবালিকা কিশোৰীগৰাকীয়ে নিজ গৃহতে প্ৰেমিক ছবুৰ উদ্দিনে প্ৰেমৰ নামত ফাঁকি দিয়াৰ বাবেই চিপ লৈ আত্মহত্যা কৰে বুলি পৰিয়ালৰ লোকে জানিবলৈ দিছে ।
যাক লৈ অঞ্চলজুৰি এক সৃষ্টি হৈছে চাঞ্চল্যৰ । ইফালে ঘটনাস্থলীত কলগাছিয়া আৰক্ষী উপস্থিত হৈ অব্যাহত ৰাখিছে তদন্ত প্ৰক্ৰিয়া । স্থানীয় ৰাইজে ভণ্ড প্ৰেমিক ছবুৰ উদ্দিনৰ কঠোৰ শাস্তিৰ লগতে ফাঁচীৰ দাবী উত্থাপন কৰিছে কিশোৰীগৰাকীৰ পৰিয়ালৰ লোকে ।
লগতে পঢ়ক: Road accident at Kaliabor : ফাইনেল পৰীক্ষা দিবলৈ নাপালে মাজুলীৰ ৰাহুলে
