বৰপেটা,৩ নৱেম্বৰ : বৰপেটাৰ সৰুক্ষেত্ৰী সমষ্টিৰ কয়াকুছি মহাবিদ্যালয়ত উত্তেজনা অব্যাহত আছে (Tense situation in Kayakuchi College)। ছাত্ৰ একতা সভাৰ নিৰ্বাচন বাতিলক লৈ তীব্ৰ হুলস্থূলীয়া পৰিৱেশৰ সৃষ্টি হৈছে মহাবিদ্যালয়খনত । নিৰ্বাচন বাতিলক লৈ অসন্তুষ্ট মহাবিদ্যালয়খনৰ একাংশ শিক্ষাৰ্থী (Students unhappy over cancellation of college elections)। মহাবিদ্যালয় কৰ্তৃপক্ষৰ বিৰুদ্ধে প্ৰতিবাদ অব্যাহত ৰাখিছে শিক্ষাৰ্থীসকলে । প্ৰতিবাদৰ মাজতে অসুস্থ হ'ল মহাবিদ্যালয়খনৰ একাংশ শিক্ষাৰ্থী ।
উল্লেখ্য যে অহা ৫ নৱেম্বৰত অনুষ্ঠিত হোৱাৰ কথা আছিল কয়াকুছি মহাবিদ্যালয়ৰ ছাত্ৰ একতা সভাৰ নিৰ্বাচন (Kayakuchi College students body election)। বুধবাৰে নিৰ্বাচনৰ মনোনয়ন পত্ৰ দাখিলৰ অন্তিম দিন আছিল ৷ কিন্তু মনোনয়ন দাখিলৰ সময় উকলি যোৱাৰ পাছতে মহাবিদ্যালয় কৰ্তৃপক্ষই আকস্মিকভাৱে নিৰ্বাচন বাতিলৰ জাননী জাৰি কৰে । যাক লৈ শিক্ষাৰ্থীৰ মাজত উত্তপ্ত পৰিস্থিতিৰ সৃষ্টি হয় ।
বুধবাৰে নিশাৰে পৰা মহাবিদ্যালয়খনত প্ৰতিবাদ অব্যাহত ৰাখিছে শিক্ষাৰ্থীসকলে (Students protest in Kayakuchi College)। পূৰ্বে ঘোষণা কৰা তাৰিখতে নিৰ্বাচন অনুষ্ঠিত কৰিবলৈ দাবী উত্থাপন কৰে শিক্ষাৰ্থীসকলে । ইফালে বৃহস্পতিবাৰেও পুৱাৰে পৰা মহাবিদ্যালয়খনত শিক্ষাৰ্থীসকলে প্ৰতিবাদ অব্যাহত ৰাখিছে । এই প্ৰতিবাদৰ মাজতে হঠাৎ অসুস্থ হৈ পৰে কেইবাগৰাকী শিক্ষাৰ্থী ।
আন শিক্ষাৰ্থীৰ লগতে মহাবিদ্যালয়খনৰ স্নাতকৰ ছাত্ৰ ইলিয়াছ দেৱানো গুৰুতৰভাৱে অসুস্থ হৈ পৰে (Students sick amid protests in Kayakuchi college)। অসুস্থ দেৱানক বৰপেটা মেডিকেল কলেজ হাস্পতালত ততালিকে ভৰ্তি কৰায় শিক্ষাৰ্থীসকলে । ইফালে শিক্ষাৰ্থীসকল অসুস্থ পৰাত সমগ্ৰ অঞ্চলটোতে তীব্ৰ উত্তেজনাৰ সৃষ্টি হৈছে ।
একাংশ শিক্ষাৰ্থীয়ে অভিযোগ কৰা মতে নিশা বহু দেৰিলৈ শিক্ষাৰ্থীসকলে প্ৰতিবাদ সাব্যস্ত কৰাৰ পাছতো তেওঁলোকক মহাবিদ্যালয় কৰ্তৃপক্ষই কোনো সঁহাৰি দিয়া নাছিল । অসুস্থ শিক্ষাৰ্থীৰ পৰিয়ালৰ সদস্যসকলেও মহাবিদ্যালয় কৰ্তৃপক্ষক তীব্ৰ সমালোচনা কৰিছে ।
লগতে পঢ়ক :Student injured by teacher beating: কণমানি ছাত্ৰক প্ৰহাৰ কৰাক লৈ শিক্ষয়িত্ৰীৰ বিৰুদ্ধে গোচৰ ৰুজু
