বৰপেটাত কৃষক নেতা অখিল গগৈক বিনাচৰ্তে মুক্তিৰ দাবীত মানৱ শৃংখল

এবছৰ পাচত ৰাজ্যত পুনৰ আৰম্ভ হৈছে "কা" বিৰোধী আন্দোলন ৷ চৰকাৰী ষড়যন্ত্ৰৰ বলি হৈ বন্দীত্বৰ জীৱন অতিবাহিত কৰি থকা কৃষক নেতা অখিল গগৈক মুক্তিৰ দাবীত বৰপেটাত ছাত্ৰ মুক্তি সংগ্ৰাম সমিতিয়ে ৰূপায়ন কৰে মানৱ শৃংখল কাৰ্যসূচী ৷

বৰপেটা,২৪ ডিচেম্বৰ: সমগ্ৰ ৰাজ্যজুৰি পুনৰ আৰম্ভ হৈছে "কা" বিৰোধী আন্দোলন । সমান্তৰালভাৱে উত্থাপিত হৈছে কৃষক নেতা অখিল গগৈৰ মুক্তিৰ দাবীও । বিগত প্ৰায় তেৰ মাহে চৰকাৰী ষড়যন্ত্ৰৰ বলি হৈ বন্দীত্বৰ জীৱন অতিবাহিত কৰি আছে কৃষক নেতা অখিল গগৈয়ে । অসমীয়া জাতিৰ আৱেগ অনুভূতিক ভূলণ্ঠিত কৰি কেন্দ্ৰীয় আৰু ৰাজ্য চৰকাৰে বলবৎ কৰা জাতিধ্বংসী "কা" আইনৰ বিৰুদ্ধে প্ৰতিবাদৰ নেতৃত্ব লোৱাৰ অপৰাধতে বন্দী জীৱন কটাবলগীয়া হৈছে কৃষক নেতাগৰাকীয়ে ৷