বৰপেটাৰোড, 10 এপ্ৰিল : সৰভোগৰ মহাজোঁটৰ প্ৰাৰ্থী মনোৰঞ্জন তালুকদাৰৰ বিৰুদ্ধে অৱস্থান কৰি বৃহৎ ধনৰ লেনদেনত বিজেপি প্ৰাৰ্থীক জয়ী কৰোৱাৰ অভিযোগ উত্থাপন হৈছে এআইইউডিএফ দল কেইবাগৰাকীও নেতাৰ বিৰুদ্ধে ৷ এই অভিযোগত ইতিমধ্যে ছজনকৈ জিলা আৰু সমষ্টি পৰ্যায়ৰ নেতাক কাৰণ দৰ্শোৱাৰ জাননী জাৰি কৰিছে এআইইউডিএফ দলৰ বৰপেটা জিলা সমিতিয়ে ৷
জাননী জাৰি কৰা এআইইউডিএফ দলৰ ছয় নেতা ক্ৰমে: মহিৰুদ্দিন মণ্ডল, আব্দুল চেলিম, সেইজনুল হক, হাফিজ বিল্লাল হুছেইন, উম্মত আলী,আৰু আব্দুল আলিম ৷
উক্ত নেতা সকলে বিজেপিৰ প্ৰাৰ্থী শংকৰ চন্দ্ৰ দাসৰ পৰা ধন লৈ নির্বাচনত নির্দলীয় প্রার্থীৰ হকে ভোট দিবলৈ চক্ৰান্তত লিপ্ত হোৱাৰ অভিযোগ উত্থাপন হৈছে । নিৰ্বাচনৰ পূৰ্বে সৰভোগৰ বালাভিঠাৰ এখন ধাবাত এই নেতা সকলে বিজেপিৰ এজেন্টৰ সৈতে নিশা গোপন আলোচনাত মিলিত হৈ ধনৰ লেনদেন কৰা বুলি অভিযোগ উত্থাপিত হৈছিল ৷ স্বয়ং বৰপেটা জিলা সমিতিৰ সভাপতি ছামচুদ্দিন আহমেদে এইসকল নেতাৰ সেই গোপন বৈঠকত উপস্থিত হৈ হাতেলোটে ধৰা পেলাইছিল বুলি প্ৰকাশ কৰিছে । সেয়ে সৰভোগ সমষ্টিৰ উক্ত নেতা সকলক ২৪ ঘন্টাৰ ভিতৰত কৈফিয়ৎৰ উত্তৰ দিবলৈ নিৰ্দেশনা দিয়াৰ কথা এক সংবাদমেলৰ আয়োজন কৰি উল্লেখ কৰে এআইইউডিএফ দলৰ বৰপেটা জিলা সমিতিৰ সভাপতি ছামচুদ্দিন আহমেদে ।
লগতে পঢ়ক: মূৰ্কংচেলেকত ক'ভিড টেষ্ট নকৰাকৈ পলায়ন ৰে'ল যাত্ৰীৰ
