বৰপেটাৰোডত বাইক স্কুটিৰ মুখামুখি সংঘৰ্ষত নিহত এজন

আহত লোকদুগৰাকীক বৰপেটাৰোডৰ চিকিৎসালয়ত ভৰ্তি কৰোৱা হয় যদিও ববীতা ব্ৰহ্মৰ অৱস্থা সংকটজনক হোৱাত উন্নত চিকিৎসাৰ বাবে বৰপেটা মেডিকেল কলেজলৈ প্ৰেৰণ কৰা হয় ৷

বৰপেটাৰোড, 20 ফেব্ৰুৱাৰী : বৰপেটাৰোডৰ খৈৰাবাৰীত শনিবাৰে সংঘটিত হয় এক ভয়ংকৰ পথ দূৰ্ঘটনা ৷ বাইক-স্কুটিৰ মুখামুখি সংঘৰ্ষত থিতাতে নিহত হয় এজন যুৱক ৷ নিহত যুৱকজন বৰপেটাৰোডৰ সূৰ্য্য নগৰৰ নিৱাসী কৃষ্ণ ৰাজভৰ বুলি জানিব পৰা হৈছে ৷ দূৰ্ঘটনাটোত আন দুজন লোক গুৰুতৰভাৱে আহত হয় ৷ আহত লোক দুজন ক্ৰমে শংকৰ ব্ৰহ্ম আৰু ববীতা ব্ৰহ্ম বুলি চিনাক্ত কৰা হৈছে ৷ আহত লোক দুজন সম্পৰ্কত ভায়েক-ভনীয়েক ৷ আহতদ্বয়ক বৰপেটাৰোডৰ চিকিৎসালয়ত ভৰ্তি কৰোৱা হৈছিল যদিও ববীতা ব্ৰহ্মৰ অৱস্থা সংকটজনক হোৱাত উন্নত চিকিৎসাৰ বাবে বৰপেটা মেডিকেল কলেজলৈ প্ৰেৰণ কৰা হৈছে ৷

লগতে পঢ়ক : অপহৃতৰ মুক্তিৰ দাবীত ঐক্যবদ্ধ ৰংপুৰীয়া ৰাইজ