বৰপেটা, 26 অক্টোবৰঃ দুৰ্গা পূজাৰ আনন্দৰ মাজতে হাউলীত সংঘটিত হৈছে এক ভয়ংকৰ পথ দুৰ্ঘটনা । PB 13 BE 0694 নম্বৰৰ ট্ৰাকৰ খুন্দত নিহত এগৰাকী চাইকেল আৰোহী । নিহত লোক জন হাউলীৰ মৈৰামাৰা পাঠকহাটীৰ সুবোদ পাঠক বুলি চিনাক্ত । দেওবাৰে নিশা কৰ্মস্থলীৰ পৰা চাইকেলেৰে ঘৰলৈ গৈ থকা অবস্থাত ৰাষ্টীয় ঘাইপথৰ এইচবি গেষ্ট হাউচৰ সন্মুখত ঘাইপথ পাৰ হওঁতেই সংঘটিত হয় এই পথ দুৰ্ঘটনা । প্ৰথম অৱস্থাত লোকজনক আৰক্ষীয়ে হাউলীৰ সমুহীয়া চিকিৎসালয়ত ভৰ্তি কৰায় ৷ পাছত উন্নত চিকিৎসাৰ বাবে লোকজনক বৰপেটা মেডিকেল কলেজলৈ প্ৰেৰণ কৰা হয় যদিও চিকিৎসালয়ত লোকজনৰ মৃত্যু হয় । পূজাৰ আনন্দৰ মাজতে লোকজনৰ মৃত্যুত সমগ্ৰ হাউলী অঞ্চলত শোকাকুল পৰিবেশে বিৰাজ কৰিছে ।
লগতে পঢ়ক: মৰিগাঁৱত তিনি মাহে পানীত ডুৱ গৈ আছে বিদ্যালয়ৰ খেলপথাৰ
