জনীয়া,19 ফেব্ৰুৱাৰী : বুধবাৰে বাঘবৰ সমষ্টিৰ মইনবৰীৰ জয়পুৰ-ঢাকালীয়াপাৰাত আধাৰশিলা স্থাপন নকৰাকৈয়ে উভতিব লগা হ'ল বিধায়ক শ্বেৰমান আলী আহমেদ। বৰপেটা জিলাৰ আই আৰু মানাহ নদীৰ গৰাখহনীয়া প্ৰতিৰোধৰ বাবে বৰপেটা জলসম্পদ সংমণ্ডলৰ শিতানত এক কোটি নব্বৈ লাখ টকা ব্যয় সাপেক্ষে "Pro Siltation measures to protect Joypur-Dhakaliapara area D/S of Paschim Moinbari from the erosion of river Aie-Manash"Phase-I আঁচনিৰ শুভাৰম্ভ কৰিব আহি ৰাইজৰ ৰোষত পৰিল স্থানীয় বিধায়ক শ্বেৰমান আলী আহমেদ ৷
বিধায়ক শ্বেৰমান আলীয়ে মুকলিকৈ নিজ দলৰ সাংসদ আব্দুল খালেকক সমালোচনা কৰাৰ বাবে ক্ষুদ্ধ হৈ পৰে একাংশ ৰাইজ । ইফালে স্থানীয় ৰাইজে পাৰ্কুপাইনৰ সলনি জিঅ'বেগেৰে কাম কৰিবলৈ দাবী জনাই উত্তপ্ত পৰিস্থিতিৰ সৃষ্টি কৰে । অৱশেষত নিজ সমষ্টিৰ ৰাইজৰ ওচৰত হেয় মানি আধাৰশিলা স্থাপন নকৰাকৈয়ে উভতি আহে বিধায়ক শ্বেৰমান আলী আহমেদ ।
