পাঠাশালা,17 এপ্ৰিলঃ লক ডাউনৰ বাবে এইবেলি ম্লান পৰিল অসমীয়াৰ বাপতি সাহোন ৰঙালীৰ আনন্দ ৷ যাৰ বাবে এতিয়া দুৰ্যোগৰ সন্মুখীন হ’বলগীয়া হৈছে পাঠশালাৰ পশ্চিম পট্টি ৰাজকুমাৰ বাদ্যভাণ্ডাৰ ঢোল চিলাই আৰু বিক্ৰী প্ৰতিষ্ঠান ৷ ঢোল চিলাই অবিহনে গুদামতে পৰি ৰৈছে ঢোলসমূহ ৷ প্ৰায় 2 লাখ টকা সূতত লৈ ৰঙালীৰ বাবে প্ৰস্তত কৰিবলগীয়া ঢোলসমূহ এনেদৰে পৰি থকাৰ ফলত তীব্ৰ সমস্যাত পৰিছে ঢোল নিৰ্মাতা অভি দাস ৷
উল্লেখ্য যে, প্ৰতিবছৰে বৰপেটা জিলাৰ বিভিন্ন প্ৰান্তৰ বিহু দলৰ ঢোল চিলাই কৰাৰ লগতে ঢোল বিক্ৰী কৰি জীৱিকা উপাৰ্জন কৰিছিল ঢোল নিৰ্মাতা অভি দাসে ৷ কিন্তু লক ডাউনৰ বাবে নিৰ্মাণ কৰা ঢোলসমূহ বিক্ৰী কৰিব নোৱাৰাৰ ফলত দোকানৰ ভাড়াৰ লগতে পৰিয়াল পোহপাল দিয়াটো তেওঁৰ বাবে কঠিন হৈ পৰিছে ৷ সেয়েহে তেখেতে দুৰ্যোগৰ এই সময়ত এনেবোৰ শিল্পীক আৰ্থিক সাহাৰ্য প্ৰদানৰ বাবে চৰকাৰৰ ওচৰত বিষয়টো দৃষ্টিগোচৰ কৰে AJYCPৰ সভাপতি বজালী জিলা সমিতিৰ সভাপতি মৃদুল তালুকদাৰে ৷
লগতে পঢ়ক-লক ডাউনৰ বাবে গোলাঘাটত নষ্ট বহু হাজাৰ বিঘা কৃষিভূমি
