বৰপেটা, 22 আগষ্টঃ বৰপেটাৰ ভেল্লাৰ সমীপৰ খাৰুৱাপাৰাত সংঘটিত এটা জঘন্য ধৰ্ষণ কাণ্ডক লৈ সমগ্ৰ বৰপেটাত তীব্ৰ চাঞ্চল্যৰ সৃষ্টি হৈছে ৷ অঞ্চলটোৰ এটি সাত বছৰীয়া কন্যা শিশুক চকলেটৰ প্ৰলোভন দেখুৱাই ধৰ্ষণ কৰে সম্পৰ্কীয় ভিনিহিয়েকে ৷তথ্যানুসৰি, শিশুটিক তাঁতিকুছিৰ নিজৰ ঘৰলৈ নি ধৰ্ষণ কৰিছিল লম্পট ভিনিহিয়েক নবিবৰ দেৱানে ৷ এই ঘটনাটোৰ বিৰুদ্ধে ইতিমধ্যে বৰপেটা সদৰ থানাত ৰুজু হোৱা গোচৰৰ ভিত্তিত ধৰ্ষণকাৰী নবিবৰ দেৱানক গ্ৰেপ্তাৰ কৰিছে বৰপেটা আৰক্ষীয়ে ৷ স্থানীয় দল সংগঠনসমুহে ধৰ্ষণকাৰীটোক কঠোৰ আইনী শাস্তি বিহিবলৈ দাবী জনাইছে ৷ ইপিনে বৰপেটাৰ ফকৰুদ্দিন আলী আহমদ মেডিকেল কলেজ হাস্পতালত চিকিৎসাধীন হৈ থকা শিশুটোৰ শাৰীৰিক অৱস্থা এতিয়া সুস্থিৰ বুলি জানিবলৈ দিয়ে বৰপেটা সদৰ থানাৰ ভাৰপ্ৰাপ্ত বিষয়া প্ৰাণজিৎ দাসে ৷
চকলেটৰ প্ৰলোভনেৰে কন্যা শিশুক ধৰ্ষণ ভিনিহিয়েকৰ
