জনীয়া,29 মাৰ্চ : বৰপেটা জিলাৰ মইনবৰী আৰক্ষী চকীৰ অন্তৰ্গত হাতছাৰা গাঁৱৰ মনচেৰ মোল্লা নামৰ লোকজনৰ বাসগৃহত সোমবাৰে সংঘটিত হয় এক অগ্নিকাণ্ড ৷ অগ্নিকাণ্ডৰ ফলত মনচেৰ মোল্লাৰ এটা ঘৰ সম্পূৰ্ণৰূপে ভস্মীভূত হোৱাৰ লগতে ঘৰৰ ভিতৰত থকা সকলো আচবাব জ্বলি ছাই হৈ যায় ।
ইফালে স্থানীয় ৰাইজৰ তৎপৰতাত অগ্নি নিৰ্বাপিত হোৱাৰ লগতে কথমপি ৰক্ষা পৰে মনচেৰ মোল্লাৰ থকা ঘৰটো । অগ্নিকাণ্ড সংঘটিত হোৱাৰ কাৰণ বৰ্তমানো জানিব পৰা হোৱা নাই যদিও অগ্নিকাণ্ডটোত প্ৰায় 50 হাজাৰ টকা লোকচান হোৱাৰ অনুমান কৰা হৈছে । অকলশৰীয়া দৰিদ্ৰ বৃদ্ধ মনচেৰ মোল্লাক ক্ষতিপূৰণ দিয়াৰ বাবে চৰকাৰেক আহ্বান জনাইছে স্থানীয় ৰাইজে ৷
লগতে পঢ়ক : শিলচৰৰ মধুৰাপুলত পথদুৰ্ঘটনা, আহত দুজন
