বৰপেটা, ১৫ জুনঃ বৰপেটাৰ হাউলী ৰাস মন্দিৰ ৰংগ মঞ্চত সোমবাৰে বিয়লি সংঘটিত হয় অগ্নিকাণ্ড ৷ ৰংগ মঞ্চখনত হঠাতে জুই জ্বলি উঠা দেখি হাহাকাৰ পৰিস্থিতিৰ সৃষ্টি হয় চহৰখনৰ লোকসকলৰ মাজত ৷ স্থানীয় লোকে অগ্নিনিৰ্বাপক বাহিনীক খবৰ দিয়াৰ পিচতে, অগ্নিনিৰ্বাপক বাহিনীৰ লোক ততাতৈয়াকৈ ঘটনাস্থলীত উপস্থিত হৈ জুই নিৰ্বাপন কৰিবলৈ সক্ষম হয় ৷
বৰপেটাৰ হাউলীৰ প্ৰাচীন ৰাস মন্দিৰ ৰংগমঞ্চত অগ্নিকাণ্ড
হাউলী ৰাস মন্দিৰ আৰু মদনমোহন নামঘৰৰ সন্মুখত থকা ৰংগ মঞ্চখনত সংঘটিত অগ্নিকাণ্ডৰ বিষয়ে সম্প্ৰতিও জানিব পৰা যোৱা নাই ৷ প্ৰাচীন মন্দিৰটোত অগ্নিকাণ্ডৰ ঘটনাক লৈ সমগ্ৰ হাউলী চহৰত আতংকই বিৰাজ কৰে ৷ অগ্নিকাণ্ডৰ ফলত ৰংগমঞ্চখনৰ ওপৰত থকা কিছু সামগ্ৰী ভষ্মীভূত হোৱা বুলি জানিবলৈ দিয়ে স্থানীয় লোকে ৷
লগতে পঢ়কঃ টীয়কত যুৱতীৰ মৃতদেহ উদ্ধাৰ
